काठमाडौँ । विराटनगर किङ्ग्सले नेपाल प्रियिमर लिग (एनपीएल)का लागि क्यानडियन कप्तान निकोलस किर्टोनलाई अनुबन्ध गरेको छ ।
विराटनगरले आफ्नो दोस्रो विदेशी खेलाडीका रूपमा २६ वर्षीय अलराउण्डर निकोलसलाई अनुबन्ध गरेको जनाएको हो । उनले क्यानाडाका लागि १८ ओडीआई र २५ टी २० अन्तर्राष्ट्रिय खेल खेलेका छन् । उक्त खेलमा उनले दुई अर्धशतसहित ५६४ रन बनाएका छन् ।
विराटनगरले यसअघि ओमानका कप्तान अकिब इल्यासलाई अनुबन्ध गरिरहेको थियो । ड्रिम स्पोर्ट्स प्रा.लि.को स्वामित्वमा रहेको विराटनगरको मार्की प्लेअरमा सन्दीप लामिछाने छन् ।
नेपाल क्रिकेट संघ (क्यान)को आयोजना गर्न लागेको एनपीएलको पहिलो संस्करणको आगामी मंसिर १५ देखि पुस ६ गतेसम्म हुनेछ ।
प्रतिक्रिया दिनुहोस्
