आज मिति २०८१ कार्तिक २१ गते बुधबार । सन् २०२४ नोभेम्बर ६ तारिख । नेपाल सम्बत ११४५ कछलाथ्व, कार्तिक शुक्ल पञ्चमी तिथि । आज नेपालमा सूर्योदय बिहान ६ बजेर १७ मिनेटमा भयो भयो भने सूर्यास्त साँझ ५ बजेर १६ मिनेटमा हुनेछ । अब सुरु गरौँ राशिफलः
मेष
दौडधुप बढे पनि बौद्धिक अभिव्यक्तिले महत्वपूर्ण अवसर दिलाउन सक्छ । आम्दानीका स्रोत बढ्नुका साथै दिगो फाइदा हुने देखिन्छ । एउटै कामबाट दोहोरो लाभ मिल्ने योग छ । धार्मिक अनुष्ठान र मंगलमय कृत्य सम्पादन हुन सक्छन् । मिठो भोजन प्राप्ति र यात्रागत कार्यमा सफलता प्राप्त हुनेछ । अनुकूलता वृद्धि भइ उत्साह बढ्ला ।
बृष
भाग्योन्नतिको समय छ । धेरैको भलाइ हुने काम शुभारम्भ गर्न सकिएला । आय आर्जनका स्रोत बढ्ने छन् । कृषि क्षेत्रबाट राम्रो लाभ मिल्ने योग छ । पढाइ लेखाइमा प्रगति हुनेछ । स्वादिष्ट भोजनको आनन्द पाइएला । पहिलेको सफलताले थप हौसला जगाउनेछ । साझेदारीको काम बन्ने छ भने पारिवारिक समस्याको समाधान मिल्नेछ । साहस बढ्नेछ । आज केही खर्च बढ्न सक्छ ।
मिथुन
काममा आलस्य जाग्ने र खर्चको मात्रा बढ्ने देखिन्छ । व्यवसायमा लगानी बढाउनुपर्ने समय छ । अवसर आए पनि मौकामा लाभ उठाउन नसकिएला । ठूलै प्रयत्न गर्दा सामान्य मात्र फाइदा हुने देखिन्छ । तथापि, मेहनतले जीवनशैलीमा परिवर्तन ल्याउन सक्छ । बौद्धिक जमातलाई आकर्षित गर्ने काम सम्पादन गर्न सकिएला । शत्रुलाई जीत्ने सामर्थ्य बढ्ने छ ।
कर्कट
आजको दिन जटिल काम सम्पादन हुनाले पराक्रम र उत्साह बढ्ला । व्यापारमा विशेष फाइदा उठाउन सकिने समय छ । अध्ययनमा प्रगति हुनेछ भने पहिलेका कमजोरीलाई सुधार्ने मौका मिल्ला । तर विवादमा परिने योग रहेकोले बोली र व्यवहारमा सचेत रहनुहोला । सन्तानसुख र प्रेमभाव बढ्ने छ । रसरागमा आकर्षण रहने छ ।
सिंह
व्यस्तता बढे पनि आज महत्वपूर्ण कार्यमा सफलता मिल्ने देखिन्छ । ठूलाबडाको आशीर्वादले रोकिएको काम बन्नसक्छ । विभिन्न उपहार प्राप्त हुने समय छ । रमाइलो जमघटको अवसर पनि प्राप्त हुने देखिन्छ । गरेका कामबाट धेरैलाई फाइदा पुग्न सक्छ । सामाजिक काममा रुचि बढ्ने छ । आरोग्यपन बढ्नेछ । रसरागको भाव वृद्धि होला । बौद्धिक, रचनात्मक र कलात्मक काममा सफलता मिल्नेछ ।
कन्या
मेहनतले सम्मानित स्थान दिलाउने छ । नचिताएको ठाउँबाट धन आर्जन हुनाले मन हर्षित होला । स्वास्थ्य सबल रहने छ भने काममा पनि फाइदाको योग छ । तथापि, आश्वासन दिएर झुक्याउनेहरूले सताउन सक्छन्, सचेत रहनुहोला । बन्ने निश्चय भएको काम अचानक बिग्रन सक्ने योग छ । समस्यामा आफन्त एवम् मित्रजनको साथ प्राप्त हुनेछ ।
तुला
आजको दिन कामले धेरैको मन लोभ्याउन सकिने छ । अरूलाई प्रभावित पारेर फाइदा उठाउने समय छ । भूमि र पैत्रिक सम्पत्तिको उपयोगबाट राम्रै लाभ होला । स्वास्थ्य भने केही कमजोर रहनाले जाँगरमा कमी आउन सक्छ । मिठो भोजन प्राप्त हुनेछ । नियमित कार्य व्यवहारमा सफलता प्राप्त होला ।
बृश्चिक
प्रतिस्पर्धीलाई उछिन्दै आम्दानी बढाउन सकिने समय छ । कामले अरूलाई प्रभावित पारेर फाइदा लिन सकिने छ । कीर्तिमानी काम सम्पादन होला । वित्तादि लाभ हुने देखिन्छ । न्यायिक, कानूनी वा प्रतियोगितात्मक क्रियाकलापमा विजय प्राप्त हुनेछ । आरोग्यता रहला ।
धनु
पारिवारिक सुख मिल्नुका साथै अध्ययन–अध्यापनको क्षेत्रमा प्रगति होला । आज सहयोगीहरूले साथ दिनेछन् र काममा सोचेजस्तै सफलता मिल्नेछ । मनोरञ्जनपूर्ण समय छ । कृषिकर्म र व्यावसायिक काममा फाइदै होला । आश मारेको काम बन्नाले उत्साह जाग्नेछ । सानो प्रयत्नले ठूलो काम सम्पादन हुने योग छ । मिठो भोजन प्राप्त होला ।
मकर
बोलीको प्रभाव बढ्ने छ भने अभिव्यक्ति कलालाई निखार्ने अवसर प्राप्त होला । आफन्तबाट टाढिनु पर्ने समय छ । आय आर्जन राम्रै होला । यात्रागत कार्यमा सरिक हुनु पर्ने देखिन्छ, तर अनावश्यक यात्राबाट जोगिनु हितकर होला । आयबल बढ्ने छ । शत्रुपक्ष परास्त हुने योग छ ।
कुम्भ
पारिवारिक सहयोग प्राप्त भए पनि दोधारको अवस्था सिर्जना हुनसक्ने समय छ । स्वास्थ्यसम्बन्धी पुरानो समस्याले पनि सताउन सक्छ । आम्दानी बिगार्नेहरू सक्रिय रहन सक्छन् । श्रमको उचित मूल्य नमिल्न सक्छ । बिछोडिएका परिवारजनसँग भेटघाट हुने योग छ । कर्मबल बढ्ने छ भने रचनात्मक कार्य बन्ने छ ।
मीन
नयाँ कामको प्रस्ताव आउने छ भने सहयोगीहरू पनि भेटिने छन् । धन आर्जन हुने समय छ । आजको लाभांश सञ्चय हुन भने नसक्ने देखिन्छ । सरसापट तथा दानचन्दामा खर्च हुने समय छ । विशिष्ट व्यक्तित्वहरूसँग मित्रता बढ्ला । कल्पना र भावनामा केन्दित भइने छ । बोलीको विपरीत अर्थ लाग्न सक्छ, सचेत रही व्यवहार गर्नुहोला । धर्मकर्ममा आकर्षण बढ्ने छ । आफन्तको साथ मिल्नेछ ।
