काठमाडौँ । बागलुङमा बस दुर्घटना हुँदा २१ जना घाइते भएका छन् । रुकुमबाट काठमाडौँ आउँदै गरेको ना ८ ख ८४१४ नम्बरको बस बागलुङको निसीखोला गाउँपालिका ६ जाउलेपानीमा दुर्घटना भएको हो ।
दुर्घटनामा घाइते भएका सबैलाई बुर्तिबाङ प्राथमिक केन्द्र बागलुङमा ल्याइएको जिल्ला प्रहरी कार्यालय बागलुङका प्रहरी निरीक्षक सुनिल शर्मा चिलवालले जानकारी दिए । गाडीमा ४० यात्रु सवार रहेको प्रहरीको भनाइ छ ।
हाल प्रहरी र स्थानीयले उद्धार गरिरहेको छ । प्रहरी निरिक्षक चिलवालका अनुसार बुर्तिबाङबाट थप प्रहरी पठाइएको छ । थप विवरण आउन बाँकी रहेको प्रहरीले जनाएको छ ।
प्रतिक्रिया दिनुहोस्
