काठमाडौं । नेपालको प्रमुख अडियो र वेयरेबल ब्राण्ड अल्टिमा लाइस्टाइलको अल्टिमा ‘बुम ३११’ दराज ११ः११ को अवसरमा सार्वजनिक हुने भएको छ । बुम सिरिजअन्तर्गको तेस्रो संस्करणको रुपमा रहेको अल्टिमा बुम ३११ विशेष सुविधासहित आउने कम्पनीले जनाएको छ ।
प्रिमियम क्रिस्टल क्लियर कल क्वालिटी, विस्तारित ब्याट्री लाइफ र सहज ब्यूटुज कनेक्टिविटी बुम ३११ मा रहने कम्पनीले जनाएको छ । कम्पनी दराज ११ः११को अवसरमा मूल्यमा विशेष छुट पनि रहने जनाएको छ ।
कम्पनीले जनाएअनुसार बुम ३११को सुरुवाती मूल्य १५९९ रुपैयाँ छ । दराजको भौचरहरु र बैंक छुटमार्फत दराज ११ः११ मा १२०० रुपैयाँमा किन्न सकिने कम्पनीले जनाएको छ ।
के–के छन् सुविधा ?
अल्टिमा बुम ३११ मा अल्टिमा सुप्रिमी साउण्ड प्रविधि छ, जसले १० मिमि हाई–फिडेलिटी ड्राइभरको प्रयोग गरेर बास र २० हर्जको दायराभित्र उच्च फ्रीक्वेन्सी प्रदान गर्ने जनाइएको छ ।
भि५.४ ब्यूटुथ र स्विट्फ पियरको सुविधा रहेको यस एयरबडमा एन्ड्रोइड, आइओएस र विन्डोज सपोर्ट गर्ने कम्पनीले जनाएको छ ।
१० मिनेटमै चार्ज हुँदा एयरवडले १२० मिनेट प्ले टाइम दिने कम्पनीको दाबी छ । गेमिङ वा स्ट्रिमिङ अनुभवलाई अझ राम्रो बनाउन गेम मोडले ४५ मिलिसेकेन्डको अल्ट्रा लो लेटेन्सी दिने कम्पनीको दाबी छ ।
साथै, क्वाएड माइक र एआईमा आधारित न्वाइज क्यान्सिलेसन प्रविधिध भएको कारण ब्याकग्राउन्ड आवाजले समेत प्रभाव नपार्ने कम्पनीको भनाई छ ।
कम्पनीका अनुसार आकर्षक र आरामदायी डिजाइनमा रहेको बुम ३११ मा टच कन्ट्रोलसँगै वाटर रेजिस्टेन्सको पनि सुविधा छ ।
