काठमाडौँ । दिपेन्द्र के खनालको निर्देशनमा तयार हुने चलचित्र ‘हरि बहादुरको जुत्ता’मा अभिनेत्रीका रुपमा स्वस्तिमा खड्का अनुबन्धित भएकी छन् ।
पछिल्लो समयकी सफल अभिनेत्री खड्काले यो चलचित्रमा हरिवंश आचार्य र प्रकाश सपुतसँग अभिनय गर्ने छिन् । प्रकाश र स्वस्तिमाको यो लगातार दोश्रो चलचित्र हो । प्रकाशको निर्देशनमा तयार हुँदै रहेको चलचित्र ‘वसन्त’मा दुवैले सँगै सहकार्य गरेका छन् ।
फिल्मलाई सरोज ओलीले निर्माण गर्दै छन् । हरिवंशको कथा रहेको चलचित्र चाँडै सुटिङ्गमा जाने तयारीमा रहेको छ । स्वस्तिमाको प्रवेशसँगै चलचित्रको कलाकारको लाइनअप बलियो बन्दै गएको छ ।
प्रतिक्रिया दिनुहोस्
