काठमाडौं । बक्स अफिसमा सुपरहिट बनेको फिल्म ‘पूर्ण बहादुरको सारङ्गी’ले एकपछि अर्को रेकर्ड बनाउन थालेको छ । व्यापारमा रेकर्ड बनाइरहेको फिल्मले शोमा पनि रेकर्ड बनाएको हो ।
शनिबार फिल्मले देशभरका ९८ हलमा ४६५ भन्दा बढी शो पाएको छ । जुन हालसम्मकै अधिक शो भएको फिल्म निर्माण पक्षको दाबी छ ।
फिल्म निर्माण पक्षले बताएअनुसार शोअनुसार शनिबार एकै दिन फिल्मले ४ करोड ग्रस कलेक्सन गरेको अनुमान छ । कतिपय हलमा हालसफूल हुँदा शो राति १० बजेपछिका लागि पनि शो राखिएको छ ।
१० दिनकै बिचमा फिलमले १५ करोड रुपैयाँ बढीको ग्रस कलेक्सन गरेको निर्माण पक्षले बताएको छ । बढ्दो आक्रामक व्यापारले छोटो समयमै अन्य रेकर्डहरु राख्न सक्ने सम्भावना छ ।
फिल्मले स्थानीयसँगै विदेशमा पनि निकै राम्रो व्यापार गरिरहेको छ । फिल्म ‘पूर्ण बहादुरको सारङ्गी’ तिहारको लक्ष्मी पूजाको दिन रिलिज भएको थियो ।
