आज मिति २०८१ कार्तिक २५ गते आइतबार । सन् २०२४ नोभेम्बर १० तारिख । नेपाल सम्बत ११४५ कछलाथ्व, कार्तिक शुक्ल नवमी तिथि । आज नेपालमा सूर्योदय बिहान ६ बजेर २० मिनेटमा भयो भने सूर्यास्त साँझ ५ बजेर १४ मिनेटमा हुनेछ । अब सुरु गरौ राशिफलः
मेष
आजको दिन केही चुनौतीयुक्त रहला । काममा बिघ्नबाधा उपस्थित हुन सक्छन् । महत्वपूर्ण कार्यमा ढिलासुस्ती आउनाले आर्थिक हानी हुने सम्भावना छ, सावधानी अपनाए क्षति कम हुनेछ । भौतिक साधनमा क्षति पुग्ने योग छ । प्रतिकुलताका बाबजुद यात्रागत कार्यमा सफलता प्राप्ति र मित्रजनको सहयोग हासिल हुनेछ ।
बृष
दौडधुप बढ्ने समय छ । ग्रहयोगले आर्थिक कार्यमा सफलता मिल्नेछ भने परिवारिक सुख र उत्साह बढ्ला । नयाँ काममा मन जानाले गरिरहेको काम ओझेलमा पर्न सक्छ । अरुलाई गरेको कुनै बाचा पुरा हुने दिन रहेको छ । काममै समय बिताए पनि सोचेजति फाइदा नहोला । टाढिएका आफन्तको यादले पिरोल्न सक्छ । अन्य कुरामा सुखले साथ दिनेछ । आकस्मिकरूपले अनुकूलता वृद्धि भइ रोकिएको काममा सफलता मिल्ने योग छ ।
मिथुन
कुनै विशेष या नयाँ काम सुरु गर्ने समय छ । आयआर्जनको दृष्टिले राम्रो दिन छ । साझेदारीको काम बन्नेछ भने प्रतिस्पर्धीहरू परास्त हुनेछन् । नयाँ काम गर्नको लागि परिवारजनको उचित सल्लाह आउने देखिन्छ । धनलाभ हुनेछ भने आश मारेको रकम उठ्ने सम्भावना प्रवल छ । लामो समयदेखि रोकिएको काम बन्नेछन् । नसोचेको ठाउँबाट धन आउने योग छ ।
कर्कट
रचनात्मक काममा जुट्ने समय छ । सामाजिक क्षेत्रमा बढी मन जाने देखिन्छ । साथीभाइले काममा सहयोग जुटाउनेछन् । आज गरेको लगानीले राम्रो प्रतिफल दिने देखिन्छ । साझेदारी र सट्टापट्टामा विशेष लाभ मिल्नेछ । रसरागमा आकर्षण रहनेछ । मन उल्लसित रहला ।
सिंह
काममा कडा प्रयास गरे पनि सफलता हात लाग्ने बेलामा विवाद हुन सक्ने दिन छ । आलस्य जाग्ने र खर्चको मात्रा बढ्ने देखिन्छ । कसैसँग मनमुटाव तथा विवाद हुने सम्भावना रहेकोले संयमता अपनाइ व्यवहार गर्नु हितकर हुनेछ । आजको दिन हातहतियारबाट जोगिने विशेष प्रयत्न गर्नुहोला । अनावश्यक वादविवादमा परिने सम्भावना रहेकोले विचारलाई तौलेर मात्र व्यक्त गर्नु बुद्धिमानी हुनेछ । अन्य दृष्टिले समय प्रतिकुल देखिएपनि पारिवारिक सुख शान्ति बढ्ने समय छ । सन्तान पक्षबाट सुख मिल्ला ।
कन्या
व्यस्तता वृद्धि हुने र खर्च बढ्ने समय छ । काममा मन नजानाले महत्वपूर्ण कार्ययोजना अधुरै रहने सम्भावना छ । व्यवहारमा असन्तुलन रहँदा मान सम्मानमै आघात पर्ने देखिन्छ । नयाँ कामको सुरुवात खासै राम्रो छैन, कार्यमा हैरानी बढ्न सक्छ । जागिरमा पनि समस्या पर्न सक्ने योग छ । तथापि तपाईंको इमान र श्रमको उचित मूल्यांकन हुनेछ । सोचेअनुसार काम नबन्न सक्छ, धैर्य राख्नु उचित होला ।
तुला
सामाजिक काममा नेतृत्वदायी भुमिकामा खटिनु पर्ने समय छ । मान प्रतिष्ठा बढ्ला । आत्मबल सशक्त रहनेछ । आरोग्यता वृद्धि हुनेछ । साहसिक काममा आकर्षण बढ्नेछ भने यात्रागत कार्य फलदायी रहला । पारिवारिक आवश्यकता पूर्ति हुनेछ । आजको दिन चल तथा अचल सम्पत्तिको कारोबार हुन सक्छ । वैवाहिक जीवन सुखी हुने खालको दिन छ । समग्रमा दिन मनोरन्जनका साथ बित्नेछ ।
बृश्चिक
रोकिएको काम मिहिनेतले बन्ने समय छ । सामर्थ्य वृद्धि होला । सुख सुविधाको बस्तुमा खर्च हुन सक्छ । शत्रुपक्ष परास्त हुनेछ । प्रेमसम्बन्धमा सुखद मिलनको अनुभव हुनेछ । प्रयत्न गर्दा व्यावसायिक काममा सामान्य फाइदा उठाउन सकिनेछ । रचनात्मक तथा साहित्यिक कार्यमा मन जाने देखिन्छ । यात्रागत कार्यबाट धनलाभको योग छ । कृषिकार्य फाइदाजनक रहला ।
धनु
आजको दिन पीडा दिनेहरु सक्रिय रहन सक्छन्, तर विवेकयुक्त सावधानीले समस्याबाट मुक्त रहन सकिने छ । स्वास्थ्यले साथ नदिन सक्छ, सावधान रहनु उचित होला । यात्राका क्रममा विशेष सावधानी अपनाउनु उचित होला । मिठो भोजन प्राप्त हुनेछ । गीतसंगीत तथा रसरागात्मक कार्यमा आकर्षण रहला । सबल स्वास्थ्यका लागि खानपानमा ध्यान राख्नु पर्नेछ ।
मकर
आर्थिक लाभ मिल्ने खालको समय छ । आर्थिक कर्ममा कसैबाट विशेष साथ(समर्थन पनि पाइएला । बुद्धिविवेकले राम्रो काम गर्नेछ । कामहरु आज सजिलैसँग बन्नेछन् । पितृधनको उपयोगबाट विशेष फाइदा होला । अधुरा काम सम्पन्न हुनेछन् भने अध्ययनमा मन जानेछ । समष्टिमा दिन उत्साहजनक रहनेछ ।
कुम्भ
निर्माण तथा व्यवहारिक क्षेत्रमा मन लाग्ने समय छ । आत्मविश्वासका साथै पराक्रम वृद्धि भइ धनलाभ हुने देखिन्छ । आँटे गरेको कार्यमा सफलता मिल्नुका साथै आर्थिक फाइदा भइ मन हर्षित रहला । सोचेभन्दा बढी नै लाभ मिल्नसक्ने योग छ । आर्थिक विकाससित सम्बन्धित कार्यमा सफलता मिल्नेछ । बौद्धिक र रचनात्मक कार्य पनि बन्नेछ ।
मीन
सानो प्रयासले नै रोकिएको काम बन्ने समय छ । घरायसी समस्याले सताए पनि गरेका काम सफल हुनाले मन सन्तुष्ट रहला । आर्थिक काम बन्छ तर कामप्रति विशेष ध्यान लगाउनुपर्नेछ । आफन्तजनको साथ–सहयोग मिल्नेछ । यात्रागत कार्यमा सफलता मिल्नेछ । आजको दिन खर्च केही बढ्न सक्छ, आम्दानीको स्रोत पनि बढ्नेछ । कर्मबल वृद्धि भई समस्याको समाधान मिल्नेछ ।
