आज मिति २०८१ कार्तिक २६ गते सोमबार । सन् २०२४ नोभेम्बर ११ तारिख । नेपाल सम्बत ११४५ कछलाथ्व दशमी तिथि । आज नेपालमा सूर्योदय बिहान ६ः२१ बजे भयो भने सूर्यास्त साँझ ५ः१३ बजे हुनेछ । अब सुरु गरौँ आजको राशिफलः
मेष
दिन खासै सुखदायी नरहला । व्यापारमा सामान्य लाभको अवस्था रहेपनि धनमाल हराउने र मनमा चिन्ता बढ्ने योग छ । कसैले अस्वाभाविक प्रलोभन दिन सक्छ, यस्तोमा नफस्नु नै हितकर हुनेछ । स्वास्थ्यमा सामान्य प्रतिकुलता देखापर्ला । नसोचेको ठाउमा खर्च हुन सक्छ, सचेत रहनुहोला । विवाद वा बहसबाट अलग रहने प्रयत्न गर्नु आजका लागि उचित हुनेछ ।
बृष
लगानी र दौडधुप बढ्ने तर श्रम र प्रयत्नको उचित मूल्य नपाइने समय छ । भाग्यले खासै साथ दिनेछैन । आजको दिन खर्च बढ्ने तथा लेनदेनमा पनि विवाद उत्पन्न हुनसक्ने भएकोले आर्थिक कारोबार नगरेकै बेस हुनेछ । स्वास्थ्यगत समस्या पैदा हुन सक्छ । नयाँ योजनालाई थाती राखी नियमित काममा केन्द्रित रहेर समय बिताउने चेष्टा गर्नु हितकर हुनेछ । आफन्त मिलनले आनन्द दिने सम्भावना छ ।
मिथुन
दिन शुभदायी छ । आश मारेको काम बन्नाले उत्साह जाग्नेछ भने व्यापारमा विशेष लाभ मिल्नेछ । यात्रागत कार्यमा सफलता प्राप्त हुनेछ भने आम्दानी बढ्नुका साथै भौतिक साधन जुटाउन सकिनेछ । नयाँ सवारी साधनप्राप्तिको योग छ । सानो प्रयत्नले ठूलो काम सम्पादन हुनसक्ने समय छ । खर्च भने केही वृद्धि हुने देखिन्छ ।
कर्कट
आजको दिन मनोरञ्जनात्मक तरिकाबाट काम बन्ला । प्रिय जन संगको भेटले मन प्रफुल्ल रहला । अधुरा काम बन्ने योग छ । नोकरी, समाजसेवा तथा राजनीतिमा पनि सफल भइने समय छ । आर्थिक क्रियाकलाप उत्साहवर्द्धक रहला । धार्मिक अनुष्ठान र मंगलमय काम सम्पादन हुन सक्छन् ।
सिंह
आजको दिन मिश्रित फलदायी रहला । परिश्रमले काममा रुचि बढाउनेछ र आर्थिक क्षेत्रमा राम्रो प्रगति हुने समय भएपनि आश्वासन दिएर झुक्याउनेहरू सक्रिय रहन सक्छन् । विशेष योजनामा कदम बढाउँदै हुनुहुन्छ भने गोपनीयतामा खास ध्यान दिनुपर्नेछ । निश्चय भएको काम अचानक बिग्रन सक्छ । विश्वास गरेका व्यक्तिबाटै धोका हुन सक्ने योग छ । वादविवादको सामना गर्नु पर्ला । पारिवारिक सुख प्राप्त हुनेछ ।
कन्या
नयाँ कामको सुरुवात खासै राम्रो नभएपनि नियमित कर्म तथा व्यापारमा सफलता पाउने समय छ । मित्रजनहरूसँगको भेटघाट रमाइलो र फलदायी हुने देखिन्छ । यात्रामा रमाउने र कीर्तिमानी काम सम्पादन हुनसक्ने योग छ । विभिन्न अवसर हासिल होला । आजको दिन जागिरे व्यक्तिले जिम्मेवारीमा विशेष सजगता अपनाउनु हितकर हुनेछ । कुनै चोटपटक लाग्नुबाट बच्न सतर्कताको दरकार छ ।
तुला
व्यापार र रोजगारीका क्षेत्रमा लाभ मिल्ने समय छ । सानातिना समस्या आएपनि दिन सफलतादायी नै रहला । तपाईंले गरेका कामबाट धेरैलाई फाइदा पुग्न सक्छ । सामाजिक काममा रुचि बढ्नेछ । मानसम्मान प्राप्त हुने योग छ । समग्रमा दिन मनोरञ्जनपूर्ण रहनेछ ।
बृश्चिक
दिन शुभदायी रहला । नयाँ कामका स्रोत फेला पर्ने र अप्रत्याशित लाभ हुने समय छ । अध्ययन–अध्यापनमा मन जानेछ । एउटै कामबाट दोहोरो लाभ मिल्ने योग छ । विशेष योजनाहरू बन्न सक्छन् । अप्रत्यासित खर्च गर्नुपर्ने अवस्था आइपर्न सक्नेतर्फ आज विशेष सजग रहनु उचित हुनेछ ।
धनु
दिन केही चुनौतीयुक्त रहला । पीडा दिनेहरू सक्रिय रहन सक्छन्, सावधान रहनु उचित होला । अनावस्यक झमेलामा पर्नुबाट जोगिन प्रयत्न गर्नुपर्नेछ । सबल स्वास्थ्यका लागि खानपानमा सावधानी अपनाउनुहोला । कुनै नयाँ काममा हात हाल्दै हुनुहुन्छ भने केही समय पर्खंनु हितकर हुनेछ । गरिआएको कामलाई भने निरन्तरता दिन सकिनेछ । अनावश्यक झमेलाबाट टाढा रहन विशेष प्रयास गरे समसयाको समाधान मिल्नेछ ।
मकर
आफ्नो प्रतिभा देखाएर अवसर हातपार्न सकिने समय छ । रमाइलो तरिकाले कामहरु गर्न पाइएला । लगनशीलताले राम्रै उपलब्धि दिलाउनेछ । भूमि, वाहन र पैत्रिक सम्पत्तिको उपयोगबाट विशेष लाभ उठाउन सकिएला । पीडा दिनेहरु सक्रिय रहन सक्छन्, सावधान रहनुहोला ।
कुम्भ
समय सुखदायी छ । सोचेभन्दा बढी नै लाभ मिल्नुका साथै व्यवहारिक क्षेत्रमा मन लाग्नेछ । मेहनतले प्रतिस्पर्धाको दौड जिताउन सक्छ । भौतिक साधन जुट्नेछन् भने व्यापारमा पनि लाभ हुनेछ । काममा मातापिताको सहयोग प्राप्त होला । धनलाभको योग छ ।
मीन
अरूलाई प्रभावित पारेर काम लिन सकिने समय छ । मेहनत खेर नजाला । आकस्मिक लाभको योग छ । काममा जाँगर जागृत हुने देखिन्छ । यात्रागत कार्य फलदायी रहला । दाम्पत्यजीवन सुखद र स्वास्थ्य सबल रहनेछ ।
