काठमाडौं । यूएईमा जारी आईसीसी यू-१९ महिला टी–२० विश्वकप छनोटमा नेपालकी कप्तान पूजा महत्तोले शतक बनाएकी छन् ।
जारी प्रतियोगिताको चौथो खेलमा कुवेतविरुद्ध ब्याटिङ गर्दै महतोले शतक बनाएकी हुन् । उनले ५७ बलमा १२ चौका मद्दतमा १०० रन बनाएकी हुन् ।
नेपालले यसअघि तीन खेलमा जित हासिल गरेको थियो भने एक खेलमा पराजित भएको छ । प्रतियोगिताको पहिलो खेलमा नेपालले थाइल्याण्डलाई ६७ रनको फराकिलो अन्तरले पराजित गरेको थियो ।
दोस्रो खेलमा कुवेतलाई एक सय आठ रनले हराएको थियो । तेस्रो खेल घरेलु टोली युएईसँग १३ रनले पराजित हुँदा चौथो खेलमा थाइल्याण्डलाई १०६ रनले पराजित गरेको थियो ।
छनोट खेलमा आयोजक युएईसहित नेपाल, कुवेत र थाइल्याण्ड सहभागी छन् । सहभागी चार टोलीमध्ये शीर्ष स्थान हासिल गर्ने टोली सन् २०२५ मा मलेसियामा हुने विश्वकपका लागि छनोट हुनेछ ।
प्रतिक्रिया दिनुहोस्
