काठमाडौँ । नागढुंगा सडक आजदेखि आगामी मंसिर ५ गतेसम्म आंशिक रुपमा बन्द हुने भएको छ । नागढुंगा सुरुङ मार्गको पश्चिम पोर्टल त्रिभुवन राजमार्गअन्तर्गत धादिङको सिस्ने खोलामा स्लोप कटिङ गर्नु पर्ने भएकाले सडक बन्द हुने भएको हो ।
नागढुंगा सुरुङ मार्ग निर्माण आयोजनाका अनुसार आयोजनाले एक सूचना प्रकाशित गरी आजदेखि उक्त सडक बिहान ११ बजेदेखि दिउँसो २ बजेसम्म आंशिक रुपमा बन्द हुन जनाएको छ ।
उक्त अवधिको २० मिनेट दुवैतर्फ सडक बन्द हुने सूचनामा उल्लेख गरिएको छ । यसैगरी २०–२० मिनेटमा खोल्ने र बन्द गर्ने गरी काम गरिने आयोजनाले जनाएको छ ।
सडक बन्द हुँदा वैकल्पिक सडक प्रयोग गर्नसमेत आयोजनाले सूचनामार्फत आग्रह गरेको छ ।
प्रतिक्रिया दिनुहोस्
