आज मिति २०८१ कार्तिक ३० गते शुक्रबार । सन् २०२४ नोभेम्बर १५ तारिख । नेपाल सम्बत ११४५ कछलाथ्व, कार्तिक शुक्ल चर्तुदशी तिथि । आज नेपालमा सूर्योदय बिहान ६ः२४ बजे भयो भने सूर्यास्त साँझ ५ः११ बजे हुनेछ । अब सुरु गरौँ आजको राशिफलः
मेष
धैर्यले काम लिने समय छ । चुनौतीका बाबजुद नसोचेको काम बन्ला । प्रतिस्पर्धाबाट फाइदा उठाउन सकिनेछ भने सन्तान पक्षबाट प्रशन्नता मिल्नेछ । छरछिमेकमा भने केही असमझदारी बढ्न सक्छ, सचेत रही व्यवहार गर्नु हितकर होला । परिवारजन तथा बन्धु–बान्धवबीच आत्मीयभाव बढ्नेछ । आर्थिक काममा सफलता प्राप्त हुनेछ भने नयाँ आयस्रोत प्राप्त हुनसक्छ । समग्र पक्षमा अनुकूलता वृद्धि हुने दिन छ ।
बृष
समय उत्साहवर्द्धक एवम् मनोरञ्जनपूर्ण रहला । आफन्तजनको साथ–सहयोगबाट मनोकूलको काम बन्नेछ । पारिवारिक समस्याको समाधान हुनुका साथै बौद्धिक र रचनात्मक काममा सफलता मिल्नेछ । यात्रापरक काम बन्नेछ । उत्साह बढ्नेछ भने वैदेशिक क्षेत्रबाट लाभ लिने मौका जुर्न सक्छ । टाढाको यात्रा हुनसक्ने योग छ । पितृधन प्रप्ति हुनेछ । व्यापार–व्यवसायमा हुनुहन्छ भने विशेष लाभ लिन सकिने दिन छ ।
मिथुन
सानातिना काम र घरेलु समस्यामा अल्झनुपर्ने समय भएपनि पराक्रम बढ्नुका साथै रोग र शत्रुमाथि विजय प्राप्त होला । रचनात्मकताको भाव पैदा हुनेछ । सामाजिक कामको दायित्व बढ्ला । कुनैपनि समस्याको समाधान प्राप्त हुनेछ । यात्रा पनि सफल रहनेछ । श्रमको उचित मूल्यांकन होला । पढाइमा प्रगति हुनेछ । पदको आशा देखाउनेले चाहिँ धोका दिन सक्छ, ध्यान राख्नुहोला ।
कर्कट
आजको दिन काममा प्रतिस्पर्धा गर्नुपर्ने देखिन्छ । दौडधुप बढ्ला । शत्रुहरूको चलखेल बढ्नाले केही अप्ठ्यारोमा परिएला । चुनौती सामना गर्नपर्दा अलिक द्विविधामा परिने र निर्णायक क्षमतामा कमी आउने सम्भावना छ । सहयोगीले तपाईंको कमजोरीप्रति टिप्पणी वा गुनासो गर्न सक्छन्, सचेत रहनुहोस् । व्यापार तथा उद्योगतर्फ फाइदाको योग छ । साथीभाइको सहयोग प्राप्त हुनेछ । रसरागमा आकर्षण रहनेछ ।
सिंह
प्रयत्न गर्दा महत्वाकांक्षी योजना फलीभूत हुने समय छ । विगतका कमजोरीलाई सुधार गर्न मौका जुर्ला । भूमि तथा मातृधनबाट लाभ मिल्नेछ भने व्यापार(व्यवसायमा लाभ नै मिल्ने देखिन्छ । प्रयास गर्दा उठ्नुपर्ने रकम हातलागी हुने योग छ । साझेदारीको काम बढ्नेछ । आरोग्यता रहनेछ भने रसरागात्मक क्रियाकलापमा आकर्षण बढ्नेछ । पारिवारिक सुखशान्ति वृद्धि हुनाले मन प्रफुल्ल रहला ।
कन्या
बौद्धिक प्रतिस्पर्धामा विजयी भइनेछ । धार्मिक तथा परोपकारजन्य क्रियाकलापबाट प्रतिष्ठा मिल्ला । सामाजिक उत्तरदायित्व वहन गर्ने समय छ । रोकिएको विशेष कार्य सम्पादन हुनसक्ने योग छ । कृषि क्षेत्रबाट भने सामान्यमात्र लाभ प्राप्त होला । प्रेमभाव वृद्धि हुनेछ । यात्रागत कार्यमा सफलता मिल्नेछ । साथीभाइ तथा आफन्तजनको साथ(सहयोगले कार्यगति बढ्नेछ ।
तुला
आम्दानी बढ्ने र व्यवसायबाट विशेष फाइदा उठाउन सकिने समय भएपनि सहयोगको आशा देखाउनेहरूबाटै धोका हुनसक्ने सम्भावना रहेकोले अत्यन्त सावधानीका साथ कार्यकदम अघि बढाउनु होला । आजको दिन लेनदेनमा विवाद आउने योग छ, सहयोगको तत्परता देखाउनेहरूबाट सजग रहनुहोला । स्वास्थ्यमा सामान्य कमजोरीको अनुभूति हुनेछ, तर ज्मिमैवारी भने कम हुनेछैन । प्रेमभाव बढ्नेछ । साहसिक काममा आकर्षण रहनेछ ।
बृश्चिक
आजको दिन खर्चको मात्रा केही बढेपनि प्रयास गर्दा रोकिएका काम बन्नेछन् । अरूको भर पर्दा धोकामा परिने समय छ, सचेत रहनुहोला । बाध्यतापूर्ण काममा समय बित्न सक्छ । आफन्त एवम् निकट मित्रजनको साथ–सहयोग प्राप्त हुनाले पराक्रम बढ्नेछ । आरोग्यता रहनेछ । बौद्धिक एवम् पराक्रम प्रदर्शन कार्यमा सफलता प्राप्त गर्नुहुनेछ । खेलकुद तथा भ्रमणमा आकर्षण रहला ।
धनु
आम्दानी बढ्ने तर पारिवारिक कार्यमा खर्च पनि केही बढ्ने देखिन्छ । जरुरी कार्यमा समेत आवश्यक उत्साह नरहन सक्छ । मातापिता र आफन्तजनको सहयोगले काम बन्नेछन् र विशेष लाभ उठाउन सकिनेछ । दाम्पत्य जीवन सुखद बन्ने र योग छ । मान महत्व प्राप्त हुने समय छ । मिठो भोजन प्राप्त हुनेछ भने यात्रागत कार्य सार्थक हुनेछ । बौद्धिक र रचनात्मक काम बन्ने देखिन्छ । रसरागात्मक काममा आकर्षण रहला ।
मकर
आजको दिन अरूका काममा महत्वपूर्ण समय बित्न सक्छ । समयमा काम पूरा नहुनाले खिन्नता बढ्ला । व्यावसायिक काममा खर्च बढ्नेछ तर सेवामूलक कामबाट प्रतिष्ठा मिल्ने समय छ । उद्योग तथा व्यापारमा सामान्य फाइदा मिल्नेछ । सहयोगीहरूले हात झिक्नाले केही समस्या थपिएला, धैर्य राख्नु उचित हुनेछ । मिठो भोजन प्राप्त हुनेछ । आरोग्यता कायम रहनेछ । शत्रुपक्ष परास्त हुनेछ ।
कुम्भ
आजको दिन स्वास्थ्यमा केही कमजोरी महसूस भएपनि परिश्रम धेरै गर्नुपर्ने देखिन्छ । काममा सफलता भने हासिल हुने समय छ । अप्रिय समाचारले खिन्नता बढ्न सक्छ । पढाइलेखाइमा पनि ध्यान दिन नसकिएला । व्यापार व्यवसायमा सोचेजस्तो लाभ मिल्नेछैन, तर हानी नै हुने पनि होइन । प्रतिष्ठित काम सम्पादन गर्ने पाइने योग छ । मिठो भोजन प्राप्त होला ।
मीन
व्यस्तता बढ्नेछ । काममा केही चुनौती देखिए पनि आज समयको सदुपयोग हुनेछ । मित्रजनले सहयोगको तत्परता देखाउनेछन् । नसोचेको फाइदा उठाउन सकिने योग छ । आतिथ्यपूर्ण सम्मान पाइएला । प्रेमको बन्धन कसिने बेला छ । विभिन्न अवसर जुर्न सक्छ, तर समय चिनेर अघि बढ्न नसक्दा अवसर फुत्कन सक्छ, ध्यान राख्नुहोला । मिठो भोजन प्राप्त हुनेछ ।
