काठमाडौं। पछिल्ला महिनाहरुमा लगातार ब्याजदर घटाएका वाणिज्य बैंकहरूले मंसिर महिनाका लागि पनि घटाएका छन् ।
कात्तिकमा २० वाणिज्य बैंकको ब्याजदर औसत ६.१८ प्रतिशत थियो । मंसिरमा ०.२० प्रतिशत विन्दुले ब्याजदर घटाइएको छ । २० वाणिज्य बैंकका औसत ब्याजदर मंसिरमा ५.९८ प्रतिशत कायम हुने भएको छ ।
२० वाणिज्य बैंकमध्ये मंसिरका निम्ति ११ वटाले ब्याजदर घटाएका छन् । आठ वाणिज्य बैंकले ब्याजदर स्थिर राखेका छन् । राष्ट्रिय वाणिज्य बैंकले भने कात्तिकको तुलनामा ०.२० प्रतिशत विन्दुले ब्याजदर बढाएको छ ।
सबैभन्दा बढी माछापुच्छ्रे बैंकले ब्याजदर घटाएको छ । यो बैंकले ब्याजदर एक प्रतिशत विन्दुले घटाएको छ । माछापुच्छ्रेले कात्तिकमा व्यक्तिगत मुद्दती निक्षेपमा ७ प्रतिशत ब्याज दिएको थियो । मंसिरमा ६ प्रतिशत ब्याज दिने भएको छ ।
यस्तो छ मंसिरका निम्ति ब्याजदर
प्रतिक्रिया दिनुहोस्
