काठमाडौँ । विश्वका शीर्ष कम्पनी टेस्लाका प्रमुख (सीईओ) एलोन मस्क र भारतीय मूलका व्यापारी विवेक रामास्वामीले अमेरिकी सरकारको नयाँ डिपार्टमेन्ट अफ गभर्नमेन्ट इफिशियन्सी (डीओजीई) विभागको लागि भर्ती घोषणा भएका छन् ।
डोनाल्ड ट्रम दोस्रो पटक राष्ट्रपतिमा निर्वाचित भएसँगै उनीहरूलाई डीओजीई विभागमा भर्ती गरेका थिए । योसँगै उनीहरूले हप्तामा ८० घण्टाभन्दा बढी काम गर्न सक्ने मानिसहरू अरू कर्मचारी खोजिरहेका छन् । यदि, कसैमा यी गुणहरू भए डीओजीई कार्यालयमा आफ्नो बायोडाटा पठाउन सक्छन् ।
यद्यपि, केवल ती व्यक्तिहरूले डीओजीईलाई सन्देशहरू पठाउन एलोन मस्को कम्पनी एक्स (ट्वीटर)मा प्रमाणित खाता हुनु पर्दछ । रामस्वामीले भने, ‘यो सरकारी जागिर जस्तो होइन, डीओजीईमा जागिरका लागि आवेदकले कस्तो अनुभव लिनुपर्छ भन्ने पदमा उल्लेख छैन ।’
चुनाव जितेपछि ट्रम्पले सरकारी पैसा बचाउन यो विभाग सुरु गरेका हुन् । ट्रम्पका अनुसार डीओजीई विभाग जुलाई ४, २०२६ सम्म सञ्चालन हुनेछ ।
ट्रम्पले सेप्टेम्बरको शुरुमा डीओजीईको गठन प्रस्ताव गरेका थिए । यसअघि अगस्टमा उनले आफू राष्ट्रपति बनेमा मस्कलाई मन्त्रिपरिषद् वा आफ्नो प्रशासनमा सल्लाहकारको भूमिका दिनेबारे विचार गर्ने बताएका थिए ।
नेशनल इन्स्टिच्युट अफ एलर्जी एण्ड इन्फेक्सियस डिजिजले ट्रान्सजेण्डर बाँदरमा एचआईभीको अनुसन्धान गर्न चार करोड डलरभन्दा बढी खर्च गरेको पनि मस्कले आरोप लगाएका छन् । यो बेकार खर्च भएको उनको भनाई थियो ।
मस्कका अनुसार डीओजीईले जनताको करको पैसा कुन योजनामा खर्च भइरहेको छ ? भन्ने कुराको जानकारी दिइने छ । डीओजीईमार्फत कम्तिमा दुई ट्रिलियन डलर (२६९ लाख करोड) सरकारी खर्च कटौती गर्न सक्षम हुने बताएका थिए । एजेन्सी
