काठमाडौँ । इटहरी खनार सडक खण्डको शान्तिचोकमा भएको सवारी दुर्घटनामा एक विद्यार्थीले ज्यान गुमाएका छन् । विद्यार्थीको मृत्युपछि खनार क्षेत्र तनावग्रस्त बनेको छ ।
काकडभिट्टाबाट विराटनगर आउँदै गरेको प्रदेश १-०१-००१ ख ४५७४ नम्बरको बसले इटहरीस्थित जनता माध्यमिक विद्यालयको कक्षा ९ मा अध्यनरत सम्झना यादवलाई ठक्कर दिएको थियो । उनको घटना स्थलमा ज्यान गएको छ ।
ठक्कर दिएर भाग्न खोजेको बसलाई स्थानीयले नियन्त्रणमा लिएर आगजनी गरेका छन् । सोही क्रममा भीड नियन्त्रण गर्ने खोज्दा एक जना प्रहरी घाइते भएका छन् ।
घटनापछि खनार चोकको अवस्था तनावग्रस्त बनेको छ । बस चालक इलाका प्रहरी इटहरीको नियन्त्रणमा रहेका छन् ।
प्रतिक्रिया दिनुहोस्
