आज मिति २०८१ मंसिर ४ गते मंगलबार । सन् २०२४ नोभेम्बर १९ तारिख । नेपाल सम्बत ११४५ कछलागा चतुर्थी तिथि । आज नेपालमा सूर्योदय बिहान ६ः२७ बजे, सूर्यास्त साँझ ५ः१० बजे हुनेछ । अब सुरु गरौँ आजको राशिफलः
मेष
मनोरञ्जनपूर्ण समय छ । पारिवारिक सुख मिल्नुका साथै अध्ययन तथा अध्यापनको क्षेत्रमा प्रगतिको समाचार सुन्न पाइनेछ । सानातिना काम र घरेलु समस्यामा नै आजको समय व्यतीत भएपनि त्यसबाट राम्रै लाभ हुनेछ । आरोग्यता रहनेछ भने दाम्पत्यसुख बढ्नेछ । साझेदारीको काम बन्ने योग छ ।
बृष
आजको दिन मनमा दोधारको अवस्था सिर्जना हुनसक्छ, तर प्रतियोगितात्मक क्रियाकलापमा विजय प्राप्त हुनेछ । यात्रामा सोचेजस्तो रमाइलो नहुन सक्छ । सबल स्वास्थ्यका लागि खानपानमा नियन्त्रण गर्नु हितकर होला । आर्थिक पक्ष सबल रहने छ । पारिवारिक समस्याको समाधान मिल्नेछ । यात्रापरक काम बन्नेछ ।
मिथुन
मनोरञ्जनतर्फ मन जाने समय छ, तर कामधन्दा र व्यवसायको चापले गर्दा दाम्पत्य सम्बन्ध वा पे्रमी–प्रेमिकाबीचको सम्बन्धमा केही चिसोपन देखिन सक्छ । आजको दिन काममा पारिवारिक सहयोग प्राप्त हुनेछ । दुर्गमस्थान वा कतै यात्राको सम्भावना छ, तर आज अनावश्यक यात्राको योजनालाई थाती राख्नु नै कल्याण होला । शत्रुमाथि विजय प्राप्त हुनेछ । बौद्धिकता बढ्नेछ ।
कर्कट
परिणाममुखी काममा लगानीको समय छ । नचिताएको स्थानबाट धनागमन हुने देखिन्छ । शरीर फूर्तिलो भएको महसुस होला । बोलीको विपरीत अर्थ लाग्न सक्ने योग रहेकोले आजको दिन बोली र व्यवहारमा विशेष सावधानी अपनाउनु उचित हुनेछ । रसरागमा आकर्षण रहनेछ भने व्यस्तता बढ्नेछ । प्रतिष्पर्धीहरु परास्त हुनेछन् ।
सिंह
भाग्यबल वृद्धिको समय छ । आजको दिन पारिवारिक वातावरण तपाईंको अनुकूल नरहला तर शरीरमा उत्साह र उमङ्ग रहनेछ । स्वास्थ्य सबल रहनेछ भने पराक्रम वृद्धि होला । व्यापार–व्यवसायमा विशेष फाइदाको योग छ । आम्दानी बढ्नेछ । प्रतिस्पर्धी परास्त हुनेछन् । रसराग तथा मनोरञ्जनात्मक क्रियाकलापमा आकर्षण रहला । मित्रजन सहयोगी सावित हुनेछन् ।
कन्या
केही जोखिम बढे पनि बौद्धिक प्रतिस्पर्धामा विजयी भइने समय छ । पढाइलेखाइमा प्रगति होला । जीवनसाथी, सन्तति वा विपरीतलिङ्गी साथीसँग सम्बन्ध आत्मीय बन्ला । चुनौतीका बाबजुद नसोचेको काम बन्न सक्छ । जटिल कार्यमा पनि धैर्यले काम लिने प्रयत्न गरे सफलता मिल्ने योग छ । कार्यगति बढ्नुका साथै आफन्तजनको साथ प्राप्त हुनेछ ।
तुला
कृषिकर्म र व्यावसायिक काममा केही चुनौतीको सामना गर्नपर्ला, तर आजको दिन सहयोगीहरूले साथ दिनेछन् । नयाँ ज्ञान प्राप्त हुने योग छ । ठूलाबडाको आशीर्वादले रोकिएको काम बन्नसक्छ । दामपत्यसुख बढ्नेछ । आरोग्यता रहनेछ । रसरागमा आकर्षण बढ्नेछ ।
बृश्चिक
रोकिएका काम सम्पादन हुने समय छ । बौद्धिक क्षेत्रको काममा यात्राको सम्भावना छ । आजको दिन कसैसँग सामान्य विवाद वा झगडा पनि हुन सक्छ, सचेत रही व्यवहार गर्नु उचित होला । सवारी साधन हाँक्दा अपनाएको सचेतका कारण चोटपटकबाट जोगिनुहुनेछ । परोपकार र धार्मिक क्षेत्रमा लगानी गरेमा अझ राम्रो हुने देखिन्छ । मिठो भोजन प्राप्ति र सुख वृद्धि हुनेछ । आरोग्यता रहनेछ ।
धनु
सामाजिक उत्तरदायित्व वहन गर्ने समय छ । अधिकार प्राप्तिका लागि गरिएको प्रतिस्पर्धामा विजयी भइएला । शत्रुहरूको चलखेल बढे पनि जित तपाईंकै हुनेछ । कतै लामो दूरीको लाभदायी यात्रा गर्नु छ भने आज सार्थक होला । प्रेमभाव र कर्मबल वृद्धि हुनेछ । बौद्धिक र रचनात्मक काम बन्ने तथा रसरागात्मक काममा आकर्षण बढ्नेछ ।
मकर
उद्यम र परिश्रमको राम्रो प्रतिफल प्राप्त हुने समय छ । आफूलाई सहयोग गर्ने वरिष्ठ व्यक्तित्वसँग सम्बन्ध प्रगाढ बन्ने देखिन्छ । बन्दव्यापारबाट फाइदा नै हुनेछ । आर्थिक पक्ष सबल रहला । आजको दिन गहना, कपडा वा धातुको कुनै वस्तु खरिद गर्नुछ भने राम्ररी मोलतोल गर्नु हितकर होला । भ्रमण कार्यमा आकर्षण बढ्नेछ ।
कुम्भ
शुभदायी समय छ । नोकरी अथवा व्यवसायसँग सम्बद्ध कुनै ठोस परिणाम देखापर्ने छन् । मातापिता एवम् विशिष्ट व्यक्तिको विचारले प्रभावित तुल्याउन सक्छ । चुनौती र अपठ्यारा हटाउन आज गरिएको प्रयास सफल हुनेछ । रमाइलो यात्राको सम्भावना छ र त्यसबाट दीर्घ कालिक फाइदा पुग्ने देखिन्छ । सामर्थ्य वृद्धि र कार्य सफलताको योग छ । मिठो भोजन प्राप्त हुनेछ ।
मीन
आजको दिन नयाँ काम तथा जिम्मेवारी हातपर्न सक्छ । अध्ययन–अध्यापनमा प्रगति हुनेछ । आर्थिक पक्ष सबल रहला । स्वास्थ्यमा सामान्य समस्या देखापर्ने सम्भावना छ । परिवारमा पाहुनाको चाप बढ्न सक्छ र तिनको आवागमनमा महत्वपूर्ण समयको नाश हुने देखिन्छ । रसरागमा आकर्षण रहला । दाम्पत्य सुख बढ्ने छ ।
