काठमाडौं । फर्निचर सेवामा आफ्नो छुट्टै पहिचान बनाएको सोफा स्टोर काठमाडौंले नेपालीहरुको महान चार्ड दशैं, तिहार र छठ पर्वलाई लक्षित गरि घोषणा गरेको लक्की ड्र विजेताहरुको नाम सार्वजनिक गरेको छ ।
कम्पनीले आइतबार एक कार्यक्रमको आयोजना गरी सोफा स्टोर काठमाडौं र सोफा स्टोर भक्तपुरको आधिकारिक फेसबुक पेजमार्फत प्रत्यक्ष प्रसारण गर्दै ३ जना भाग्यशाली विजेताहरुको नाम सार्वजनिक गरेको हो । यस योजना अन्तर्गत सोफा स्टोर काठमाडौं, सोफा स्टोर भक्तपुर, सोफा स्टोर धनगढी र सोफा स्टोर सतुंगल ९गंगा जमुना फर्निचर एण्ड सोफा सेन्टर० बाट सोफा तथा फर्निचर खरिद गरेका प्रत्येक ग्राहकले एउटा कुपन पाएका थिए ।
सोहि कुपनका आधारमा लक्की ड्र बाट इमाडोल ललितपुरकी प्रतिमा रिजालले स्कुटर, भक्तपुरका कृष्णप्रसाद श्रेष्ठले फ्रिज र धनगढीका जनकराज जोशी ले टीभी जितेका छन् । उक्त अवसरमा सोफा स्टोर काठमाडौंका सञ्चालक दिपेन्द्र धरेलले वजेताहरुलाई बधाई एवं योजनामा सहभागी सम्पूर्ण ग्राहकहरुलाई विशेष धन्यवाद ज्ञापन गरेका थिए ।
साथै, आगामी दिनमा सोफा स्टोर काठमाडौंले इटहरी र बुटवलमा पनि छिट्टै सेवा विस्तार गर्ने पतिवद्धता समेत जनाएका छन् । यस्तै, सोफा स्टोर काठमाडौं महाराजगञ्ज शाखाकी सञ्चालक सरस्वती सिमखडा धरेलले आगामी दिनमा पनि सोफा स्टोर काठमाडौंले विभिन्न सुविधासहितका यस्तै योजनाहरु लिएर ग्राहकहरु माझ आइरहने प्रतिबद्धता व्यक्त गरेकी छन् ।
यस्तै सोफा स्टोर सतुंगल (गंगा जमुना फर्निचर एण्ड सोफा सेन्टर) का सञ्चालक प्रेम प्रसाद धरेलले ग्राहकको मागलाई मध्यनजर गर्दै गुणस्तरीय सामानका लागि कम्पनी सँधै तत्पर रहेको जनाएका छन् ।
पछिल्लो समय अधिकांश ग्राहकको रोजाईको केन्द्र बन्दै आएको सोफा स्टोर काठमाडौंले हाल काठमाडौंको चमती, महाराजगञ्ज र सतंगल, भक्तपुरको पेप्सीकोला दिब्यश्वरी टाउन प्लानिङ र धनढीबाट हरेक किसिमको सोफा तथा फर्निचरका सामानहरु उत्पादन तथा विक्रि वितरण गर्दै आइरहेको छ ।
