काठमाडाैं । नेपालमा सफलताका साथ प्रदर्शन भइरहेको फिल्म ‘ह्रस्व दीर्घ’ विदेशी हलमा पनि प्रदर्शन हुने भएकाे छ । फिल्म ‘ह्रस्व दीर्घ’ बिहीबारदेखि फिल्म अष्ट्रेलिया र न्युजील्याण्डका विभिन्न हलमा प्रर्दशन हुन लागेकाे हाे ।
फिल्मको अष्ट्रेलिया रिलिज अधिकार युनाइटेड सिनेमाज र भिलेज फिल्मले लिएकाे छ । जसले फिल्म प्रदर्शन गर्न लागेकाे हाे ।
अभिनेत्री तथा निर्मात्री नीता ढुंगानाले फिल्म अष्ट्रेलियाको सबैजसो सहरमा रिलिज हुन लागेको बताइन्। उनका अनुसार विभिन्न २१ थिएटरमा फिल्म प्रदर्शन हुनेछ ।
प्रदर्शनकाे दाेस्राे सातामा प्रवेश गरेकाे फिल्म ‘ह्रस्व दीर्घ’ले नेपालमा राम्राे व्यापार गरिरहेकाे छ । फिल्मले उच्च शाे मात्रै पाएकाे छैन, दर्शककाे पनि निरन्तर साथ पाइरहेकाे छ ।
नीता फिल्म्सको प्रस्तुतिमा निर्माण भएको फिल्मका कार्यकारी निर्माता धनन्जय गलानी हुन्। फिल्ममा हरिहर अधिकारी र नीता ढुंगानासहित ब्रह्मानन्दम, अली, कवीर दुहान सिंह, प्रदीप रावत, सुनिल वर्मा, प्रशान्त ताम्राकार, सञ्चिता लुईटेल, विपना थापा, सरोज खनाललगायतकाे अभिनय छ ।
