काठमाडौँ । नेपाल प्रिमियर लिग (एनपीएल)को तेस्रो खेलमा कर्णाली याक्सले जनकपुर बोल्ट्सलाई १४२ रनको लक्ष्य पेश गरेको छ ।
त्रिवि क्रिकेट मैदानमा जनकपुरविरुद्ध टस जितेर पहिला ब्याटिङ गरेको कर्णालीले निर्धारित २० ओभरमा ७ विकेटको क्षतिमा १४१ रन बनाएको हो ।
कठिन अवस्थमा रहेको कर्णालीका लागि कप्तान सोमपाल कामी, अर्जुन घर्ती र गुल्सन झाले आक्रामक ब्याटिङ गरे । सोमपाल १३ बलमा २९ रनमा अविजित रहे ।
अर्जुनले २२ बलमा ३३ रन बनाउँदा गुल्सनले ३६ रनको योगदान दिए । पछिल्लो दुई ओभरमा कर्णालीले ४३ रन जोड्दै बलियो लक्ष्य पेश गरेको हो ।
कर्णालीका कुनै पनि विदेशी खेलाडी चल्न सकेनन् । भारतीय चर्चित खेलाडी शिखर धवनले १४ बलमा १४ रन बनाउँदै आउट भए ।
चाडविक वाल्टन ८, बाबर हायत १२ र जिसन मक्सुद शुन्य रनमा आउट भए । बलिङमा जनकपुरका मोहम्मद मोहसिनले सर्वाधिक दुई विकेट लिएका थिए ।
