काठमाडौँ । चर्चित भारतीय क्रिकेटर शिखर धवनले अर्धशतकमा कर्णाली याक्सले काठमान्डु गुर्खाजलाई १५० रनको लक्ष्य दिएको छ ।
कीर्तिपुरस्थित त्रिवि मैदानमा जारी नेपाल प्रिमियर लिग (एनपीएल)को खेलमा टस हारेर पहिले ब्याटिङ गरेको कर्णालीले २० ओभरमा पाँच विकेट गुमाएर १४९ रन बनाएको हो ।
धवनले ५१ बल खेल्दै चार चौका र पाँच छक्का प्रहार गरे । उनले अविजित ७२ रन बनाए । धवनले छैटौँ विकेटका लागि जिसान मक्सुदसँग अविजित ६५ रनको साझेदारी गरेका हुन् ।
मक्सुदले ११ बल खेल्दै एक चौका हान्दै १४ रन जोडे । चाडविक वाल्टनले २१, बाबा रहायतले १३ र गुल्सन झा २ रन र अर्जुन घर्ती ४ रनमा आउट भए । ओपनर देव खनाल विना रन आउट भए ।
बलिङमा काठमाडौँका जेरार्ड एरासमसले दुई विकेट लिँदा करण केसी, नाथन सोटर र दिपेश कँडेलले एक-एक विकेट लिएका थिए ।
प्रतिक्रिया दिनुहोस्
