काठमाडौं । अष्ट्रेलियाको राजाधानी क्यान्वेरामा “द सत्य स्वरूप शो” हुने भएको छ । जिएम एभेन्ट्सको आयोजनामा आउँदो डिसेम्बर १५ तारिक क्यानवेरा स्थित द एवीमा उक्त शो हुन लागेको हो । राजाधानी क्यान्वेरामा सत्य स्वरूपको यो पहिलो शो हुनेछ । कार्यक्रममा सत्य स्वरूपले आफ्ना चर्चित पुराना गीतहरु सँगै पछील्लो समय चर्चामा रहेका एक दर्जन बडी गीतहरु कार्यक्रममा प्रस्तुत गर्नेछन् ।
नेपाली सुगम संगीत मन पराउने राजाधानी बासी नेपालीहरुका लागि यो साँगितिक कार्यक्रमले महत्व राख्ने आयोजकको भनाई छ । क्यानवेरामा पछील्लो समय नेपाली साँगितिक कार्यक्रमहरु निकै सफल हुँदै आएका छन् । यस कार्यक्रममा संगित पारखी नेपालीहरुको उलेख्य सहभागिता रहने आयोजकले विश्वास लिएको छ ।
क्यानवेराकोलागी एभरेष्ट एजुकेसन एण्ड भिजा सर्भिसेसको प्रस्तुती र हिमालयन बुचर एण्ड ग्रोसरको प्रमुख प्रायोजन रहेको कार्यक्रममा एएनई अष्ट्रेलियन नेसनल एजुकेसन, मेरिट एजुकेसन, होम लोन स्क्वाएर, इनोभेटिभ एसोसिएट्स, लगायतको सहयोग रहेको छ ।
‘द स्तुपा टेस्ट अफ नेपाल’ले “द सत्य स्वरूप शो” कार्यक्रमको अस्ट्रेलिया टुरको आयोजनामा गरेको हो ।
