काठमाडौँ । यतिबेला सामाजिक सञ्जालमा फेरि गायिका समीक्षा अधिकारीको एक भिडियो भाइरल भइरहेको छ । उक्त भिडियोमा उनले स्टेजबाटै आफ्नो विरोधीलाई खरो जवाफ फर्काएकी छन् ।
कपिलवस्तुमा भएको महोत्सवमा गायिका अधिकारीलाई दर्शक दीर्घाबाट ‘दश लाख’को उपनाम दिएको थियो । आफूलाई ‘दश लाख’को उपमा दिएपछि उनले स्टेजबाट खरो प्रश्न गरेकी हुन् ।
अभिनेता पल शाहसँग जोडेर उनीमाथि अहिले पनि विभिन्न आरोप लगाइँदै आएको छ । यसै क्रममा उनमाथि फेरि दर्शक बन्न पुगेका केही व्यक्ति खनिएका थिए ।
दर्शकबाट उनीमाथि तुच्छ प्रश्न गरिएको थियो । यस प्रश्नको खण्डन गर्दै उनले ममाथि हैन यही प्रश्न तिमीले तिम्रो आमा र दिदीबहिनीमाथि गर्न सक्छौँ ? भनेर उल्टै प्रश्न गरेकी थिइन् । यसअघि दर्शक दीर्घाबाट समीक्षालाई ‘दश लाख’ भन्दै प्रश्न गरिएको थियो ।
‘तपाईको दिदी, तपाईको आमा, तपाईको बहिनी हो दश लाख ?,
आफ्नो दिदीबहिनीलाई भनेको हो दश लाख ?,’ उनले प्रश्न गर्दै भनेकी छन्, ‘गएर आमालाई भन्नु ।’
उक्त भिडियोमा अधिकांश मानिसले गायिका अधिकारीको पक्षमा आवाज उठाएको सुन्न सकिन्छ । ‘त्यस्ता झारपात कुरामा ध्यान दिनु हुँदैन अगाडि बढ्नु पर्छ है, जिन्दगीमा दुःखको दिन सबैको आउँछ,’ उनले भनेकी छन् ।
