काठमाडौं । राष्ट्रिय स्वतन्त्र पार्टीका सभापति रवि लामिछानेलाई बयानका लागि पोखराबाट काठमाडौं हुँदै वीरगन्ज पुर्याइएको छ ।
प्रहरीका अनुसार उनलाई पोखराबाट काठमाडौं र काठमाडौंबाट प्लेनमा सिमरा हुँदै वीरगन्ज ल्याइएको हो ।
सहकारी ठगी प्रकरणमा पर्सामा पनि उनी विरुद्ध पक्राउ पुर्जी भएकाले प्रहरीले बयानका लागि यहाँ ल्याइएको जनाएको छ ।
सहकारी ठगी गरेको भन्दै पक्राउ परेका लामिछानेलाई गत गत कात्तिक २ गते काठमाडौंबाट पक्राउ गरेर पोखरा लगिएको थियो ।
जिबी राई नेतृत्वको सहकारीहरूबाट ग्यालेक्सी टेलिभिजनमा लगानी गर्दा उनी पनि संलग्न भएको उजुरी पछि उनलाई कास्की प्रहरीले पक्राउ गरेको हो । त्यसपछि सोही प्रकरणमा कास्कीसहित रूपन्देही, काठमाडौं, चितवनमा बयान दिइसकेका छन् । अब उनलाई पर्सामा बयान लिइनेछ ।
प्रतिक्रिया दिनुहोस्
