काठमाडौं । राष्ट्रिय स्वतन्त्र पार्टी (रास्वपा)का सभापति एवं पूर्वगृहमन्त्री रवि लामिछानेको बयान लिन सरकारी वकिल कार्यालय पर्सामा सुरु गरिएको छ । पर्साको सानोपाइला सहकारीको रकम अपचलनका विषयमा लामिछानेसहित पूर्वडीआईजी छविलाल जोशीको बयान लिन सुरु गरिएको हो ।
मंगलबार बिहानैदेखि उनीहरूसँग बयान लिइँदै छ । जिल्ला प्रहरी कार्यालय कास्कीको हिरासतमा रहेका लामिछानेलाई सोमबार (हिजो) काठमाडौं हुँदै विमानमार्फत बाराको सिमरा र त्यहाँबाट गाडीमा पर्सा लगिएको थियो । जोशीलाई भने सडकमार्ग हुँदै पर्सा पुर्याइएको थियो ।
सानोपाइला सहकारीको रकम अपचलन आरोपमा लामिछानेसहित १४ जनाविरुद्ध यही मंसिर १९ गते पर्सा जिल्ला अदालतबाट पक्राउ पुर्जी जारी भएको थियो । सानोपाइला सहकारीको करिब ९२ करोड रुपैयाँ अपचलन भएको खुलेको छ ।
प्रतिक्रिया दिनुहोस्
