काठमाडौँ । गत सातादेखि प्रदर्शनमा रहेको भारतीय फिल्म ‘पुष्पा २’ले बक्स अफिसमा धमाका मचाइरहेको छ । फिल्मले बक्स अफिसमा आफ्नो पहिलो साता पूरा गर्न लागेको छ ।
पहिलो सातामै फिल्मले कैयौं ठूला फिल्मको रेकर्ड तोडेर नयाँ रेकर्ड बनाएको छ । छैटौं दिनमा पनि फिल्मले कमाई रेकर्ड बनाउँदै छ । जसको कमाइ एक हजार करोडको नजिक पुगेको छ ।
अल्लु अर्जुन, रश्मिका मन्डन्ना र फहद फासिल अभिनित यस वर्षको बहुप्रतिक्षित चलचित्र ‘पुष्पा २ द रुल’ रिलिज भएदेखि दर्शक र बक्स अफिसमा मन पराइरहेको छ ।
फिल्मले पहिलो दिन १६४.२५ करोड, दोस्रो दिन ९३.८ करोड, तेस्रो दिन ११९.२५ करोड, चौथो दिन १४१.०५ करोड र पाँचौं दिन ६४.४५ करोड कमाएको थियो ।
साथै, फिल्मले पाँच दिनमा विश्वभर ८०० करोडभन्दा बढीको कमाई गरेको छ । रिलिजको छैटौं दिनमा फिल्मले विश्वव्यापी रूपमा एक हजार करोडको नजिक पुगेको छ ।
अल्लु अर्जुनको यो दोस्रो हिन्दी फिल्म हो । जसले हजार करोडको आँकडा पार गरेको छ । यसअघि उनको २०२१ मा आएको फिल्म ‘पुष्पाः द राइज’को पहिलो भागले यो आँकडा पार गरेको थियो ।
यस फिल्मको क्लाइमेक्समा तेस्रो भाग ‘पुष्पा ३’ पनि घोषणा गरिएको छ । सुकुमारद्वारा निर्देशित यो फिल्म २०२१ मा रिलिज भएको ‘पुष्पाः द राइज’ को सिक्वेल हो ।
