काठमाडौँ । नेपाल प्रिमियर लिग (एनपीएल) अन्तर्गत लुम्बिनी लायन्स आफ्नो छैटौँ खेलमा १८ रनले पराजित भएको छ । काठमाडौँ गुर्खाज्ले दिएको १०४ रनको लक्ष्य पछ्याएको लुम्बिनी ४ बलअगाडि अलआउट भएको हो ।
योसँगै जारी एनपीएल लुम्बिनी लिगबाट बाहिरिएको छ । ६ खेलमा जम्मा एक खेल जित्दै अंक तालिकामा पुच्छारमा हुँदै लिग चरणबाट बाहिरिएको हो ।
कीर्तिपुरस्थित त्रिवि क्रिकेट मैदानमा जारी खेलमा टस जितेर पहिला ब्याटिङ गरेको काठमाडौँले १९ दशमलव दुई ओभरमा सबै विकेट गुमाउँदै १०३ रन बनाएको थियो ।
काठमाडौँका लागि भीम सार्कीले सर्वाधिक ३१ रन बनाए । उनले ४० बलमा एक चौका प्रहार गरेका थिए ।
त्यस्तै, ड्यान ड्वाथवेटले २१ रन बनाएर आउट भए । प्रतीक श्रेष्ठले २० रन बनाउँदा स्टेफन स्केनाजी १३ रनमा आउट भए । त्यसबाहेक अन्य खेलाडीले दोहोरो अंकमा रन जोड्न सकेनन् ।
बलिङतर्फ लुम्बिनीका लागि साद विन जाफरले तीन विकेट लिए । अभिषेक गौतम र रेमन सिमण्डसले समान दुई–दुई विकेट लिए ।
त्यस्तै, सूर्य तामाङ र विवेक यादवले समान एक–एक विकेट लिए । लुम्बिनी अहिले जवाफी ब्याटिङमा उत्रेको छ ।
