काठमाडौँ । तेलुगु सुपरस्टार अल्लु अर्जुन पक्राउ परेका छन । चलचित्र ‘पुष्पा २’ को प्रदर्शनको क्रममा चलेको भाग दौडको घटनालाई लिएर उनी पक्राउ परेका हुन् ।
भारतीय सञ्चार माध्यमका अनुसार उक्त भाग दौडमा ३९ वर्षीया एक महिलाको मृत्यु भएको थियो । उनका छोरा गम्भीर घाइते भएका थिए ।
घटनापछि प्रहरीले सोही थिएटरको व्यवस्थापन, कलाकार र उनको सुरक्षा टोलीविरुद्ध मुद्दा दायर गरेको थियो । प्रहरीले घटनाबारे अनुसन्धान भइरहेको र दोषी पाइए कारबाही गरिने जनाएको छ ।
प्रतिक्रिया दिनुहोस्
