मधुमेह एक गम्भीर रोग हो, जुन जीवनशैलीको प्रभावका कारण हुन्छ। यसलाई साइलेन्ट किलर रोग पनि भनिन्छ ।
मधुमेह नियन्त्रण गर्न हामीले आफ्नो खानपानमा ख्याल गर्नुपर्छ । मधुमेह रोगीहरुलाई फलफूल नखान सल्लाह दिइन्छ तर के तपाईलाई थाहा छ केहि यस्ता फलहरु छन् जुन मधुमेहका बिरामीले खानुपर्छ ।
पोषणविद तथा आहारविदका अनुसार नियमित केही फलफूल खाएमा मधुमेहकाे समस्या कम हुँदै जानेछ ।
कुन फलफूल लाभकारी ?
१. स्याउ- स्याउमा धेरै मात्रामा फाइबर हुन्छ, विशेषगरी यसमा पेक्टिन नामक फाइबर पाइन्छ । जसले रगतमा चिनीको मात्रा नियन्त्रण गर्न मद्दत गर्छ।
स्याउ एन्टिअक्सिडेन्ट र भिटामिन सीको राम्राे स्रोत पनि हो, जसले शरीरलाई स्वस्थ राख्छ। स्याउमा कम क्यालोरी हुन्छ र यसले लामो समयसम्म पेट भरी राख्छ।
२. नासपाती– यो फलमा फाइबर पनि प्रशस्त हुन्छ । यसमा पाइने इन्जाइमले पाचन प्रणालीलाई मजबुत बनाउँछ।
नाशपातीको सेवनले कब्जियतको समस्याबाट छुटकारा पाउँछ र यसको ग्लाइसेमिक इन्डेक्स कम हुने भएकाले यसलाई खानु पनि फाइदाजनक हुन्छ ।
३. अनार- अनार पनि एन्टिअक्सिडेन्टले भरिपूर्ण फल हो, जुन मधुमेह रोगीहरूले खानु धेरै लाभदायक हुन्छ। यसको सेवनले टाइप–२ मधुमेहको जोखिम कम गर्छ ।
४. अम्बा – अम्बामा फाइबर, भिटामिन सी, पोटासियम र आइरन पनि प्रशस्त हुन्छ। मधुमेह रोगीका लागि यो फल खानु निकै फाइदाजनक हुन्छ । यसमा चिनी नियन्त्रण गर्ने गुण पाइन्छ ।
५. चेरी- चेरी पनि कम क्यालोरी र कम ग्लाइसेमिक इन्डेक्स फल हो, जसलाई मधुमेह रोगीहरूले खान सक्छन्। मधुमेहसँगै चेरी मुटुरोग र क्यान्सर जस्ता रोगमा पनि फाइदाजनक हुन्छ ।
६. स्ट्रबेरी – स्ट्रबेरीमा धेरै कम चिनी र धेरै एन्टिअक्सिडेन्ट हुन्छ। यसले इन्सुलिन स्तर सुधार गर्न मद्दत गर्छ। यसमा फाइबर पनि हुन्छ, जसले रगतमा चिनीको मात्रालाई स्थिर राख्छ।
७. सुन्तला- यो फलमा भिटामिन सी, फाइबर र फ्लेभोनोइड्स हुन्छ, जसले इन्सुलिनको स्तर सन्तुलनमा राख्न मद्दत गर्छ। यो ब्लड सुगर नियन्त्रण गर्न पनि उपयोगी छ। ध्यान दिनुहोस्, सुन्तलालाई फलको रूपमा मात्रै खानुपर्छ। न्यूज २४बाट
