मानिसको मनमा अनेक किसिमका कुराहरु चलिरहन्छ । हामी दिनभर जे गर्छौं वा सोच्दछौं कहिलेकाहीँ हाम्रो सपनामा सुतिरहेको बेला त्यही देखा पर्दछ। जब हामीले टिभी, फोन वा वास्तविकतामा सर्प, बिच्छी वा कुनै पनि जनावर देख्छौं, तिनीहरू प्रायः हाम्रो सपनामा आउँछन्।
सपनामा केही देख्नु सामान्य कुरा हो तर ज्योतिषमा यसलाई शुभ र अशुभ कुरासँग जोडिएको छ । यदि कुनै व्यक्तिले सपनामा कुनै जनावर वा पंक्षी देखेमा ज्योतिष शास्त्रका अनुसार त्यो राम्रो, नराम्रो वा कुनै दोष छ भन्ने सजिलै पत्ता लगाउन सकिन्छ ।
सपनामा सर्प देखियो
हिन्दू धर्ममा सपनामा सर्प वा अजिंगर देखिएमा निकै अशुभ मानिन्छ । जसको कुण्डलीमा आंशिक वा पूर्ण कालसर्प दोष हुन्छ, उनीहरुले सपनामा सर्प अजिंगर देख्छन् । कालसर्प दोषको प्रत्यक्ष सम्बन्ध पितृदोषसँग रहेको शास्त्रीहरू बताउँछन् ।
यदि तपाईसँग तपाईका पुर्खाहरु क्रोधित छन् वा तपाईले उनीहरुको पिण्ड दान, तर्पण, श्राद्ध आदि संस्कार अनुष्ठान अनुसार गर्नु भएको छैन भने तपाईले सपनामा सर्प, अजिंगर वा पितृहरु देख्न सक्नुहुन्छ ।
यी उपायबाट हट्नेछ दोष
सपनामा सर्प देख्नु भयो भने त्यो कालसर्प दोष हो । यसको समाधानका लागि पितृपक्षमा पितृलाई शान्ति अर्पण, तर्पण, श्राद्ध, पिण्ड दान आदि गरेर निको हुन्छ ।
साथै, कुण्डलीमा रहेको पितृदोष पूर्णतया समाप्त हुन्छ । कालसर्प दोषबाट मुक्ति पाउनको लागि पितृ गायत्रीको पाठ गर्नु धेरै लाभदायक हुन्छ।
कृष्ण पक्षको अमावस्याका दिन पितृहरूका लागि धार्मिक अनुष्ठान गरी चाँदीको एक जोडी सर्प दान गर्नाले यो दोषबाट मुक्ति मिल्छ र सपनामा सर्प र अजिंगर देखिन छाड्छन् । सपना विज्ञानबाट
