काठमाडौं । श्रीमतीको हत्या गरेको आरोपमा प्रहरीले दाङबाट १ जनालाई पक्राउ गरेको छ ।
श्रीमती ३२ वर्षीया हस्ती कुमारी बुढाथोकीको हत्या गरेको अभियोगमा तुलसीपुर उपमहानगरपालिका–२ भम्केस्थित एकताटोल बस्ने २९ वर्षीय चित्र बहादुर बुढाथोकीलाई बुधबार दिउँसो प्रहरीले पक्राउ गरेको छ ।
चित्रबहादुरले घरको बैठक कोठामा दाउ प्रहार गर्दा हस्तीकुमारीको घटनास्थलमै मृत्यु भएको भन्ने खबर प्राप्त हुनासाथ ईलाका प्रहरी कार्यालय तुलसीपुरबाट खटिएको प्रहरी टोलीले उनलाई तुलसीपुर उपमहानगरपालिका–७ स्थित कारागार कार्यालय नजिकैबाट पक्राउ गरेको छ ।
हत्या सम्बन्धमा आवश्यक अनुसन्धान गरिरहेको प्रहरीले जनाएको छ ।
प्रतिक्रिया दिनुहोस्
