काठमाडौं। नेपाल प्रिमियर लिग (एनपीएल) मा अब एक खेल मात्र खेल्न बाँकी रहेको छ । ३२ मध्ये ३१ खेल सकिएका छन् ।
फाइनल पुग्ने दुवै टोलीको टुङ्गो लागिसकेको छ । सुदूरपश्चिम रोयल्स र जनकपुर बोल्ट्सबीच आउने शनिबार फाइनल खेल हुनेछ । विजेताले नगद १ करोड ११ लाख पुरस्कार पाउनेछ ।
अहिलेसम्म व्यक्तिगत रुपमा धेरै रन बनाउने र विकेट लिने खेलाडीमा विदेशी खेलाडी अगाडि छन् । व्यक्तिगत सर्वाधिक रन बनाउने र विकेट लिने खेलाडीमा भने विदेशी खेलाडीहरु नै अघि छन् ।
फाइनल पुग्ने सुदूरपश्चिम रोयल्सका स्कट कुगेलेइन १६ विकेटसहित विकेट लिनेमा अघि छन् । जनकपुर बोल्ट्सका ललित राजवंशीले पनि समान विकेट लिएका छन् ।
यसैगरी सर्वाधिक रन बनाउने खेलाडी चितवन राइनोजका रवि बोपारा छन् । उनले २८६ रन बनाएका छन् । यस्तै लुम्बिनी लायन्सका कप्तान रोहित पौडेलले २७९ रन बनाएका छन् ।
दुवै खेलाडीका टिम फाइनलमा छैनन् । त्यसैले उनीहरुलाई पछ्याइरहेका जनकपुर बोल्ट्सका जिमी नीशमले उछिन्न सक्छन् । नीशमले २४३ रन बनाएर तेस्रो स्थानमा छन्।
