काठमाडौं । भक्तपुरमा बाबुछोरा मृत भेटिएका छन् । भक्तपुरको सूर्यविनायक नगरपालिका–२ स्थित बालकोटको एक घरमा बाबुछोरा मृत भेटिएका हुन् ।
खोटाङको रूपाकोट मजुवागढी नगरपालिका १ घर भएका ५६ वर्षीय कुलप्रसाद आचार्य र उनका २२ वर्षका छोरा नवीन मृत फेला परेको जिल्ला प्रहरी परिसर भक्तपुरका डिएसपी ढुण्डीराज न्यौपानेले बताए ।
आचार्यका जेठा छोरा भने सम्पर्कबिहीन छन् । उनीहरु तीन जना सँगै बस्दै आइरहेका थिए । उनीहरु भाडाको घरमा बस्दै आएका थिए ।
उनका अनुसार उनीहरुको शव छुट्टाछुटै कोठामा फेला परेको हो । उनीहरुको शरीरमा धारिलो हतियार प्रहार भएकाले हत्या गरिएको हुन सक्ने उनले बताए । साथै दुबै कोठामा बाहिरबाट ताला लगाइएको थियो ।
प्रतिक्रिया दिनुहोस्
