काठमाडौं । कर्णेश म्युजिकको पहिलो प्रस्तुति रहेको “यो दुरी” बोलको गीत कर्णेश राजथला युट्युव च्यानल मार्फत सार्वजनिक भएको छ । गायक कर्णेश राजथलाको स्वर रहेको सार्वजनिक गीतमा शब्द, रचना, संगीत संयोजन हेम जंग थामीको रहेको छ ।
गीतको म्युजिक भिडियोमा नायिका रक्षा थापा गायक कर्नेश राजथलाको अभिनय रहेको छ भने उत्त म्युजिक भिडियोलाई निर्देशक नारायण प्रधानले निर्देशन गरेका हुन् । पाना प्रोडकसन्सको ब्यानरमा तयार पारिएको म्युजिक भिडियोमा अमन केसी, विशाल चन्दको छायांकन सँगै विशाल तामाङ्गको सम्पादन रहेको छ ।
प्रेम कथामा आधारित म्युजिक भिडियोमा ख्यातिप्राप्त कलाकारहरू बिजय देउजा, गंगा बस्नेत, संजु थापाको समेत अभिनय रहेको छ । नगरकोट, काठमाडौंका मनोरम दृश्यहरु समावेश गरिएको गीतमा संजु थापाको मेकअप तथा हेयर र रोशनी स्याङ्गबोको सहायक निर्देशन रहेको छ । निर्देशक प्रधानले निर्देशन गरेको यो दोस्रो म्युजिक भिडियो हो ।
प्रधान इनडिपेन्डेन्ट फिल्ममेकरका साथै एड फिल्ममेकर पनि हुन् ।
