आज मिती २०८१ साल पुस महिनाको १० गते बुधबार तदनुसार डिसेम्बर महीनाको २५ तारीख सन् २०२४, पुष कृष्ण पक्षको दशमी तिथी एवं क्रिश्चियन धर्मावालाम्बीहरूको महान पर्व क्रिसमस डे, आज बिहान ६ बजेर ५२ मिनेटमा काठमाण्डौ उपत्यकामा झुल्कीएको घाम साँझ ५ बजेर १५ मिनेटमा अस्ताउने छ ।
मेष राशी: आजको दिन सहयोगीहरू प्रशस्तै भेटिनेछन्। रचनात्मक कार्य प्रारम्भ गर्ने समय छ। विगतको सफलताले थप काम गर्न हौसला मिल्नुका साथै नयाँ कामको प्रस्ताव आउनेछ। मनग्य धन आर्जन गर्न हुनका साथै विगतका कमीकमजोरीलाई पनि सुधार गर्ने अवसर प्राप्त हुनेछ।
बृष राशि: अप्ठ्यारो काम थाल्नाले दिनभरि दौडधुप गर्नुपर्ला। कामले खर्च बढाउन सक्छ। अवसरवादीहरूले आफ्ना कमजोरीको फाइदा उठाउन सक्छन्। काम पूरा गर्न अनुमानभन्दा बढी लगानी र समय लाग्नेछ। आंशिक फाइदा भए पनि लाभांश अरूका लागि खर्च गर्नुपर्ने समय रहेको छ ।
मीथुन राशि: आजको दिन आम्दानी बढ्नाले उत्साह जाग्नेछ। श्रमको उचित मूल्य पाइनुका साथै व्यापारमा राम्रै फड्को मार्न सकिनेछ। छोटो समयमै राम्रो उपलब्धि हातलागी हुनेछ। पहिले रोकिएको काम बन्नेछ भने जिम्मेवारी समेत बढ्न सक्छ। दिगो फाइदा हुने काम प्रारम्भ हुने समय रहेको छ ।
कर्कट राशि: आजको दिन मेहनतले पदीय जिम्मेवारी दिलाउनेछ। विशेष अवसर प्राप्त हुनाले मन प्रफुल्लित हुनेछ। प्रतिष्ठित काम गरेर धेरैको मन लोभ्याउन सकिनेछ। सामाजिक कार्यले हौसला प्रदान गर्नेछ। भविष्यका लागि काममा जग बसाउने मौका हुनुका साथै नाम, दाम र इनाम हातलागी हुनेछ।
सिंह राशि: अरूको सहयोगमा जुट्नुपरे पनि आफैंलाई फाइदा हुने दिन छ। समाजमा तारिफयोग्य काम सम्पादन हुनेछ। मेहनतले राम्रै उपलब्धि दिलाउनेछ। रोकिएका काम समेत सम्पादन हुनुका साथै कर्मयोगले विशेष जिम्मेवारी दिलाउन सक्छ। सानो प्रयत्नले धेरैको भलाइ हुने काम शुभारम्भ हुने समय रहेको छ ।
कन्या राशि: काम बिग्रने भयले सताउनेछ भने न्यून उपलब्धिमा चित्त बुझाउनुपर्ने परिस्थिति रहनेछ। दिनभर दौडधुप गर्नुपरे पनि काम अधुरो रहला। पहिलेका समस्या दोहोरिनाले उत्साहमा कमी आउला। स्वास्थ्यमा कमजोरी देखापर्नुका साथै उपचारमा खर्च हुने योग छ। महत्त्वपूर्ण समय घरेलु समस्यामै अल्झनुपर्ने योग रहेको छ ।
तुला राशी: आजको दिन निकै नै मनोरञ्जनपूर्ण रहनेछ। आतिथ्यपूर्ण सम्मानका साथ मित्रताको बन्धन कसिलो हुनेछ। सोख पूरा हुनुका साथै प्रतीक्षा गरिएको उपलब्धि प्राप्त हुनेछ। व्यवसाय र अध्ययनमा भने समय दिन नसकिएला। आर्थिक लाभ नहुने जिम्मेवारी वहन गर्नुपर्ला। गलत व्यक्तिको विश्वास गर्दा काम रोकिन सक्ने योग रहेको छ ।
बृश्चिक राशि: हिम्मतले काम बनाउन सकिनेछ भने यस अघिको उपलब्धिले काममा उत्साह जगाउनेछ। मेहनत गर्दा विभिन्न अवसर प्राप्त हुनुका साथै दैनिकीमा परिवर्तन आउनेछ। प्रतिस्पर्धीहरूलाई पछि पार्ने समय छ। पहिले दुश्मनी गर्नेहरूले समेत मित्रताका हात अघि बढाउने योग रहेको छ ।
धनु राशि: सुखद समाचारले दिन उत्साहपूर्ण रहनेछ। अध्ययनको लगावले बौद्धिक क्षेत्र फराकिलो बन्न सक्छ। मेहनतले प्रतिष्ठित काम सम्पादन गर्ने मौका दिलाउनेछ। भौतिक साधन जुट्नेछन् र दिगो फाइदा हुने काम सुरु हुन सक्छ। लामो यात्राको प्रक्रिया अघि बढ्नेछ। प्रयत्न गर्दा लक्ष्य प्राप्त गर्न सकिनेछ।
मकर राशि: आफन्त र परिवारजनलाई धेरै समय दिनुपर्ने समय रहेको छ । आश्वासन दिनेहरूले प्रतिबद्धता पूरा नगर्न सक्छन्। अरूको विश्वास गर्दा धोका हुन सक्छ। धेरै फाइदा नहुने काममा समय बित्नुका साथै नजिकका आफन्त, साथीभाइ टाढिन सक्ने सम्भावना अधिक छ ।
कुम्भ राशि: प्रयत्न गर्दा ठूलाे काम सम्पादन हुने समय रहेको छ। छोटो समयमा राम्रो उपलब्धि हातपार्न सफल भइनेछ। स्रोत–साधन जुट्नाले गरिएका कर्मको उचित प्रतिफल प्राप्त हुनेछ। लाभांश बढ्नाले दैनिकीमा परिवर्तन आउनेछ। रोकिएका काम बन्ने र नयाँ काम सुरु गर्न उपयुक्त समय रहेको छ।
र, मिन राशि: तारिफयोग्य कामले चर्चामा ल्याउनुका साथै मनग्य धनलाभ हुनेछ, मेहनतले सम्मानित स्थान दिलाउनेछ भने पहिलेका कमजोरीलाई सुधार्ने मौका छ। बोलीको प्रभाव बढ्नेछ भने अभिव्यक्ति कलामा निखारता आउनेछ। प्रतिष्ठित व्यक्तिहरूको सहयोग जुट्नाले सजिलै लक्ष्य प्राप्ति हुनेछ योग रहेको छ ।
