आज मिती २०८१ साल पुस महिनाको ११ गते विहीबार तदनुसार डिसेम्बर महीनाको २६ तारीख सन् २०२४, पुष कृष्ण पक्षको एकादशी तिथी एवं थिङ्गलागा एकादशी ब्रत, आज बिहान ६ बजेर ५२ मिनेटमा काठमाण्डौ उपत्यकामा झुल्कीएको घाम साँझ ५ बजेर १६ मिनेटमा अस्ताउने छ ।
मेष राशी: आजको दिन तपाईका दैनिक आवश्यकता पूरा हुनेछन् भने मेहनतको फल प्राप्त हुनेछ। आम्दानी बढ्नाले उत्साह जाग्ने तथा श्रमको उचित मूल्य पाइनेछ। व्यापारमा राम्रै फड्को मार्ने समय छ। छोटो समयमै राम्रो उपलब्धि हातलागी हुनेछ। रोकिएको काम बन्नुका साथै जिम्मेवारी समेत बढ्ने समय रहेको छ।
बृष राशि: आजको दिन मेहनतको राम्रो परिणाम प्राप्त हुनेछ। तारिफयोग्य काम सम्पादन गर्दै मनग्गे धन आर्जन गर्न सकिनेछ। दैनिक काममा पनि उल्लेख्य फाइदा हुनेछ। थोरै लगानीबाट मनग्य नाफा उठाउन सकिनेछ। भौतिक साधन जुट्नेछन् भने दिगो फाइदा हुने काम प्रारम्भ हुनेछ।
मीथुन राशि: कठोर परिश्रमको बलमा नयाँ जिम्मेवारी पाउने समय रहनुका साथै तारिफयोग्य कामको चर्चा हुनेछ। आफ्नो क्षेत्रमा राम्रै प्रभाव जमाउन सकिनुका साथै दाम र प्रतिष्ठा कमाउने योग रहेको छ । सामाजिक दायित्व बढ्नेछ। प्रयत्न गर्दा महत्त्वपूर्ण वस्तु लाभ हुनुका साथै सहयोगीहरूले हिम्मत दिलाउनेछन्।
कर्कट राशि: चुनौतीभित्र अवसर खोज्ने समय रहेको छ। नतिजा कमजोर देखिनाले काम दोहोर्याउनुपर्ला। अस्वस्थताका बाबजुद कामको जिम्मेवारी बढ्ने भएपनि प्रयत्न गर्दा फाइदाका स्रोत पहिचान गर्न सकिनेछ। आफ्ना विषयमा अरूले दाबी गर्न सक्ने योग रहेकाले सचेत रहनु हितकर हुनेछ ।
सिंह राशि: परिस्थिति केही असहज रहने समय छ। अस्वस्थ शरीर लिएर काममा जुट्नुपर्ने हुन सक्छ। आफ्ना कमजोरीको फाइदा उठाउनेहरू सक्रिय हुनेछन्। कमजाेर नतिजा सच्याउन केही काम दोहोर्याउनुपर्ला। चिताएको मूल्य प्राप्त नभए पनि पछि फाइदा हुने काम गर्न सकिने समय रहेको छ।
कन्या राशि: आजको दिन नयाँ कामको प्रस्ताव आउनेछ भने साथ दिनेहरू पनि बढ्नेछन्। आफन्तसँग रमाइलो भेटघाट हुनेछ। मन मिल्ने साथी भेटिनुका साथै प्रेम र मित्रताको बन्धन कसिलो हुनेछ। कामको चापबाट फुर्सद पाइनेछ। व्यवसायले मनग्य आम्दानी दिलाउने योग रहेको छ।
तुला राशी: मेहनतीहरूका लागि समय निकै उत्साहजनक रहनेछ। प्रतिस्पर्धामा विजय प्राप्त हुनेछ। द्वेष तथा ईर्ष्या गर्नेहरूले हार खानेछन् भने पराक्रमद्वारा अधिकार स्थापित गर्न सकिनेछ। मेहनतले प्रतिद्वन्द्वी परास्त हुनेछन्। व्यापारलगायत आर्थिक लाभ हुने काम प्रारम्भ हुनेछ।
बृश्चिक राशि: धेरै प्रतिफल प्राप्त गर्ने आकांक्षाले समस्या निम्त्याउनेछ। अरूका लागि बुद्धि र श्रम खर्चनुपर्ला। अवसर आए पनि खर्चिलाे काम थाल्न राम्ररी विचार पुर्याउनुहोला। परिस्थितिसँग सम्झौता गर्नुपरे पनि सुरु गरेको कामले आशा भने जगाउनेछ।
धनु राशि: आजको दिनमा साझेदारीका समस्या सुल्झनाले दिगो योजनामा अघि बढाउन सकिनेछ। अन्योलमा मान्यजनको सुझाव शिरोधार्य गर्दा लाभ हुनेछ। रोकिएका काममा दोहोर्याएर प्रयत्न गर्नुहोला। आज गरिएको पुरानो सम्झौता नवीकरणले पछिसम्म फाइदा हुने योग रहेको छ।
मकर राशि: सहयोगीहरूले राम्रो साथ दिनाले चिताएका काम सम्पादन हुनेछन्। उद्योग र व्यापारमा फाइदा उठाउन सकिनेछ। गरिएका कर्मको छोटो समयमै उचित प्रतिफल पाइनेछ। विशेष उपहार हातलागी हुनेछ। शत्रु र प्रतिस्पर्धीलाई पछि पार्न सफल हुने समय रहेको छ ।
कुम्भ राशि: आजका दिन बोली र विचारका प्रशंसकहरू बढ्नेछन्। बुद्धिको उपयोगले विद्या तथा धन आर्जन हुनेछ भने सानो प्रयत्नले ठूलो काम बन्नेछ। प्रतिष्ठित काम गर्ने अवसर प्राप्त हुनेछ। लगनशीलताले नाम, दाम र इनाम हातपार्न सफल भइने समय रहेको छ।
र, मिन राशि: साथीभाइको आगमनले आजको दिन मनोरञ्जनपूर्ण हुनेछ। पहिलेका कमजोरी सुधार्दै जीवनशैलीमा परिवर्तन ल्याउन सकिनेछ। पहिलेको सफलताले थप हौसला जगाउनेछ। नयाँ कामको प्रस्ताव आउनेछ भने सहयोगीहरू पनि प्रशस्तै भेटिनेछन्।
