काठमाडौं । अफ्रिकी मुलुक मोजाम्बिकमा १ हजार ५ सयभन्दा बढी कैदी जेलबाट भागेका छन्। चुनावी परिणामको विरूद्ध चलिरहेको हिंसात्मक प्रदर्शनको फाइदा उठाउँदै १ हजार ५ सयभन्दा बढी कैदी जेलबाट भागेका हुन्।
गत अक्टोबरमा भएको राष्ट्रपति चुनावमा धाँधली भएको भन्दै त्यहाँ हिंसात्मक प्रदर्शन सुरू भएको थियो। सर्वोच्च अदालतले सन् १९७५ देखि सत्ताको नेतृत्वमा रहेको फ्रिलिमो पार्टीले राष्ट्रपतिको चुनाव जितेको फैसला गरेपछि सोमबारदेखी प्रदर्शन थप चर्किएको थियो।
प्रदर्शनकाबीच राजधानी मापुटोमा पसल तथा बैंकहरूमा पनि लुटपाट भएको प्रहरीले जनाएको छ। अदालतको आदेशपछि भएको प्रदर्शनका क्रममा ३३ जनाको मृत्यु भएको छ भने १५ जना घाइते भएका छन्।
प्रतिक्रिया दिनुहोस्
