हाम्रो शरीरलाई स्वस्थ रहन धेरै प्रकारका पोषक तत्व चाहिन्छ। यीमध्ये, भिटामिन सबैभन्दा महत्त्वपूर्ण छ।
शरीरमा कुनै भिटामिनको कमी भएमा त्यसलाई पूरा गर्नको लागि सप्लिमेन्ट वा औषधि खाइन्छ । तर, प्राकृतिक खानेकुराको सहयोगले त्यो कमी पूरा गर्नु बढी फाइदाजनक हुन्छ ।
आउनुहोस् हामी तपाईलाई यस्ता खानेकुराको बारेमा बताउन सक्छौं जसलाई खाँदा शरीरमा भिटामिन ए देखि भिटामिन ईको कमी पूर्ति हुन्छ ।
कुन खाँदा के पाइन्छ ?
१. भिटामिन-ए: शरीरमा यो भिटामिनको कमी भएमा आलु, हरियो सागसब्जी, गाजर र मेवा सेवन गर्न सक्नुहुन्छ। यस भिटामिनको कमीले आँखाको ज्योति कमजोर हुन सक्छ।
२. भिटामिन-बी: यो भिटामिन एक घुलनशील तत्व हो, जसलाई फोलेटको रूप मानिन्छ।
यस भिटामिनको कमीले रगत निर्माणको प्रक्रिया पनि सुस्त हुन्छ। भिटामिन बीको कमीलाई हटाउन केरा, डेयरी प्रोडक्ट, स्प्राउट्स, माछा र चनालाई आफ्नो आहारमा लिन सकिन्छ।
३. भिटामिन सी: भिटामिन सीले रोग प्रतिरोधात्मक क्षमतालाई बलियो बनाउन मद्दत गर्दछ। यसको कमीले रोगको जोखिम बढाउँछ।
यसको कमी पूर्ति गर्न तपाईले आफ्नो आहारमा कागती, सुन्तला, अमला, क्याप्सिकम र ब्रोकाउली समावेश गर्न सक्नुहुन्छ।
४. भिटामिन डी: यो भिटामिन हड्डी र मांसपेशिहरुको बलको लागी धेरै महत्त्वपूर्ण छ। यस तत्वको कमीले हड्डी भंग हुने र रोग लाग्ने जोखिम बढाउँछ।
भिटामिन डीको कमीबाट बच्न बदाम, दूध, टोफु, च्याउ र माछाको सेवन गर्न सकिन्छ ।
५. भिटामिन-ई: भिटामिन-ई हाम्रो छाला र मस्तिष्कको लागि आवश्यक छ। यसको कमीले हिँड्न र बोल्न गाह्रो हुन सक्छ।
यदि तपाईंको शरीरमा यो तत्वको कमी छ भने, तपाईंले आफ्नो आहारमा बदाम, किवी, सबै प्रकारका नट र बीउहरू समावेश गर्नुपर्छ। एजेन्सीबाट
