आज मिती २०८१ साल पुस महिनाको १६ गते मंगलबार तदनुसार डिसेम्बर महीनाको ३१ तारीख सन् २०२४, पुष शुक्ल पक्षको प्रतिपदा तिथी, आज बिहान ६ बजेर ५४ मिनेटमा काठमाण्डौ उपत्यकामा झुल्कीएको घाम साँझ ५ बजेर १९ मिनेटमा अस्ताउने छ ।
मेष राशी: प्रतिष्ठा, मान-सम्मान पाइनुका साथै भाग्यले नसोचेको फाइदा दिलाउने समय छ। चुनौतीहरू स्वतः हट्नेछन् भने कर्मयोग र आम्दानीले पछ्याउनेछन् । साथ दिनेहरू बढ्नाले परम्परालाई समयसापेक्ष परिवर्तन गर्न सकिनेछ । दाजुभाइको सहयोग प्राप्त हुनाले यशवर्चश्व बढ्नेछ । अनुकूलता वृद्धि भइ रोकिएको काममा सफलता मिल्नेछ ।
बृष राशि: रचनात्मक कार्य शुभारम्भ गर्न सकिने दिन रहेकाले स्वास्थ्य केही प्रतिकूल रहे पनि हिम्मतले काम लिन सकिनेछ । प्रयत्न गरेको काम छोटै समयमा पूरा हुनाले समय फुर्सदिलो रहला । इच्छाशक्ति बढ्नेछ भने परिस्थितिले अप्ठ्यारा चुनौतीहरूसँग सम्झौता गराउन पनि सक्छ । प्रेमभाव बढ्नुका साथै आफन्तको साथ मिल्नेछ ।
मीथुन राशि: लामो समयदेखि रोकिएका काम सम्पादन हुनाले परोपकार र धार्मिक क्षेत्रमा गरिएको कर्म सार्थक रहला । आज कसैसँग सामान्य विवाद हुन सक्छ, संयमित व्यवहार गर्नु हितकर होला । सवारीसाधनको प्रयोगमा आज विशेष सावधानी अपनाउनुहोला । बौद्धिक क्षेत्रको काममा यात्राको सम्भावना छ । बौद्धिक र रचनात्मक काममा सफलता मिल्नेछ ।
कर्कट राशि: मेहनत गर्दा राम्रै प्रतिफल प्राप्त हुने समय छ । सहयोगीहरूले राम्रो साथ दिनाले रोकिएका काम बन्ने र नयाँ काम सुरु गर्ने समय छ । विभिन्न भौतिक साधन जुट्नेछन् भने आतिथ्यपूर्ण सम्मान पाइएला । मेहनतले जीवनशैलीमा परिवर्तन ल्याउन सकिने भएपनि खर्च केही वृद्धि हुने सम्भावना छ ।
सिंह राशि: आयबल बढ्नाले दिन उत्साहपूर्ण रहला । सुखद समाचार सुन्न पाइनुका साथै स्वास्थ्य सबल रहनेछ भने व्यवसायमा पनि फाइदाको योग छ । उद्योग र व्यापारमा विशेष फाइदा हुनेछ । प्रतिस्पर्धीलाई सजिलै हराउन सकिनेछ । टाढाको यात्राको पनि योग रहेको छ । सार्वजनिक कार्यक्रममा आकर्षण बढ्नुका साथै कलात्मक काममा सफलता मिल्नेछ ।
कन्या राशि: कर्मबल बढ्नाले गरिएका कर्मको उचित प्रतिफल पाइने समय छ । आम्दानी प्रशस्तै बढ्ने समय रहेकाले कृषिसम्बन्धी कार्यमा केही समस्या देखिए पनि धन आर्जन हुने योग छ । व्यावसायिक यात्राको सम्भावना छ । दाम्पत्यजीवन रमाइलो रहनुका साथै यात्रागत कार्यमा सफलता प्राप्त गर्नुहुनेछ ।
तुला राशी: आजको समय केही चुनौतीयुक्त रहेकोले महत्वाकांक्षी योजना गोप्य राख्नुहोला । बेसुरमा वचन दिने बानीले दुःख पाइनेछ । नजिकका साथीभाइ टाढिन सक्ने योग रहेकाले सतर्कताका साथ व्यवहार गर्नुहोला । प्रियजनसँगको भेटघाटले दिन रमाइलो बनाउनेछ । प्रयास गरेमा व्यापार-व्यवसायमा विशेष लाभ लिने समय रहनुका साथै साहसिक काममा आकर्षण बढ्नेछ ।
बृश्चिक राशि: बोलीको प्रभाव बढ्ने समय रहेको हुनाले ठीक समयमा सही निर्णय लिन सकिनेछ । मनमा केही डरको भाव रहेपनि विभिन्न अवसरले पछ्याउनेछन् । आश मारेको काम बन्ने सङ्केतले उत्साह जगाउनेछ । तत्काल लाभ नभए पनि विभिन्न सकारात्मक संकेतहरू प्राप्त हुनेछन् । पराक्रमी कार्यमा सफलता प्राप्त गर्ने योग रहेको छ ।
धनु राशि: प्रयत्न गर्दा सहयोगीका माध्यमबाट फाइदा उठाउन सकिने समय रहेकाले कार्यसम्पादन गर्ने क्षमता बढ्नेछ । तापनि, केही अवसर फुत्कन सक्छन्, सचेत रहनुहोला । महत्वपूर्ण योजनामा गोपनियताप्रति विशेष ध्यान पुऱ्याउनु हितकर हुनेछ । धेरैको मन लोभ्याउन सकिने योग रहेकाले आरोग्यता रहनुका साथै दाम्पत्यसुख बढ्नेछ ।
मकर राशि: परिवारजनसँग आत्मीयता बढ्ने समय भएपनि गल्तीबिनै आरोप लाग्न सक्ने योग रहेकाले सावधान रहनुहोला । प्रेम र मित्रताको बन्धन कसिएर जानेछ । आफ्ना विषयवस्तुमा अरूले अधिकार जमाउन सक्ने हुनाले बचेर कार्य गर्ने प्रयत्न गर्नुहोला । स्वादिष्ट भोजनको आनन्द लिल्नुका साथै साहस वृद्धि भएर शत्रुलाई जित्ने सामर्थ्य बढ्नेछ ।
कुम्भ राशि: आजको दिन अलिक प्रतिकूल रहेको हुनाले काम बिग्रने डरले सताइरहनेछ । थिचोमिचो गर्नेहरूले सताउन सक्ने तथा अरूको फाइदाका लागि उपयोग भइने योग रहेकोले बचेर काम गर्ने प्रयत्न गर्नुहोला। आर्थिक कारोबार गर्दा पनि निकै नै सजगता अपनाउनु हितकर हुनाका साथै प्रेमभाव बढ्नेछ ।
र, मिन राशि: व्यस्तता बढ्नुका साथै विभिन्न अवसर जुट्ने दिन भएपनि अरूलाई वचन दिने बानीले दुःख पाइनेछ, बोलीमा लगाम लगाउनु उचित होला । दीर्घकालीन रूपमा फाइदा हुने काममा हात हाल्ने समय छ । तार्किक क्षमता बढ्ला । विशेष सभा–समारोहमा भाग लिने मौका प्राप्त हुनेछ । लगनशीलताले कीर्तिमानी दिलाउन सक्ने निकै नै शुभ समय रहेको छ ।
