काठमाडाैं । बलिउड स्टारका फ्यानमा निकै क्रेज देखिन्छ । उनीहरू आफ्नो मनपर्ने कलाकारहरुको फिल्मको निकै प्रतिक्षामा हुन्छन् ।
तर, यो वर्ष अर्थात् २०२४ मा धेरै ठूला स्टारका फिल्म रिलिज भएनन् । आज हामी तपाईलाई त्यस्ता स्टारहरूकाे बारेमा बताउन गइरहेका छौँ, जो २०२४ मा सिल्भर स्क्रिनबाट गायब भए ।
ऐश्वर्या राई
यो सूचीमा बलिउड अभिनेत्री ऐश्वर्या रायको नाम पनि परेको छ । सन् २०२४ मा ऐश्वर्या राई आफ्नो व्यक्तिगत जीवनका कारण चर्चामा रहेपनि अभिनेत्रीको कुनै पनि फिल्म रिलिज भएन ।
यद्यपि, २०२४ मा, अभिनेत्री धेरै कार्यक्रमहरूमा देखिइन् । जहाँ उनले आफ्नो ग्लैमरस शैलीले सबैकाे मन जितिन् ।
ऐश्वर्या रायको फिल्म सन् २०२३ मा रिलिज भएको थियो, जसको नाम ‘पोन्नियिन सेल्वान २’ हो ।
शाहरुख खान
बलिउडका किंग खान अर्थात् शाहरुख खानले सन् २०२३ मा तीन ठूला फिल्म दिए, जसलाई मानिसहरूले निकै मन पराएका थिए ।
तर, यो वर्ष अर्थात् २०२४ मा शाहरुखको कुनै पनि फिल्म रिलिज भएन । अहिले यो वर्ष किङ खानको कुनै पनि फिल्म रिलिज नभएकाले शाहरुखका फ्यानहरु अलि निराश पक्कै छन् ।
तर, शाहरुख खान आफ्नो आगामी प्रोजेक्टका लागि चर्चामा छन् ।
रणवीर कपुर
यो लिस्टमा अभिनेता रणवीर कपुरको नाम पनि परेको छ । सन् २०२३ मा रणवीरको फिल्म ‘एनिमल’ले बक्स अफिसमा धमाकेदार कमाई गरेको थियो । यद्यपि, २०२४ मा अभिनेताको कुनै फिल्म थिएन र उनी ठूलो पर्दामा देखिएनन् ।
तर फ्यानहरू रणवीरका आगामी फिल्महरूकाे प्रतिक्षा गरिरहेका छन्। कलाकारको आगामी फिल्मले कस्तो अचम्मको काम गर्छ त्यो भने हेर्न बाँकी छ ।
सलमान खान
बलिउडका भाइजान अर्थात् अभिनेता सलमान खान पनि सन् २०२४ मा निकै चर्चामा छन् । अभिनेता पर्दामा नदेखिए पनि सलमानले फिल्ममा केमियो अवश्य गरेका छन् ।
अहिले मानिसहरु सलमान खानको आगामी फिल्मको प्रतिक्षामा छन् । अभिनेता आफ्नो फिल्म ‘सिकन्दर’को कारण पनि चर्चामा छन् ।
आमिर खान
यो लिस्टमा अभिनेता आमिर खानको नाम पनि परेको छ । हो, सन् २०२४ मा आमिर खार पनि पर्दाबाट गायब देखिएका थिए ।
तर, उनको फिल्म ‘लाप्ता लेडीज’ले धेरै हेडलाइन बनायो र उनी चर्चामा पनि रहे । अहिले उनको आगामी प्रोजेक्टहरूले मानिसहरुको ध्यान तानेकाे छ । एजेन्सीबाट
