काठमाडौं । जय ट्रफी पुरुष एलिट कप दुई दिवसीय क्रिकेटका लागि बागमति प्रदेशले अन्तिम टोली घोषणा गरेको छ ।
यही पुस २१ गतेदेखि सुरु हुने बागमती प्रदेश क्रिकेट संघले बिहीबार सन्दीप लामिछानेको कप्तानीमा १५ सदस्यीय अन्तिम टोली घोषणा गरेको हो । बागमतीले आन्तरिक टिमबीच अभ्यास खेल गराएर अन्तिम टोली छनोट गरेको हो । नेपाल क्रिकेट संघको आयोजनामा हुने ‘जय ट्रफी पुरुष एलिट कप’ क्रिकेट प्रतियोगितामा बागमतीसहित नेपाल पुलिस क्लब, त्रिभुवन आर्मी क्लब र मधेश प्रदेशले प्रतिस्पर्धा गर्नेछन् । गत वर्ष भएको पीएम कपको शीर्ष चार टोलीले जय ट्रफी एलिट कपमा प्रतिस्पर्धा गर्नेछन् ।
सेतो जर्सी तथा रेड बलको प्रयोगमा खेलिने प्रतियोगिता जनकपुर र पर्सामा हुनेछ । टोलीमा सन्दीप लामिछाने(कप्तान), सूर्य तामाङ, रिजन ढकाल, प्रतिश जिसी, उत्तम थापा मगर, आशुतोष घिरैया, रित गौतम, इशान पाण्डे, विपिन आचार्य, शुभ कंसाकार, रोहन विके, सुर्यांशु कोइराला, नन्दन यादव, प्रतिक श्रेष्ठ र तिलकराज भण्डारी रहेका छन् ।
