आज मिती २०८१ साल पुस महिनाको २० गते शनिबार तदनुसार जनवरी महीनाको ४ तारीख सन् २०२५, पुष शुक्ल पक्षको पंचमी तिथी, आज बिहान ६ बजेर ५५ मिनेटमा काठमाण्डौ उपत्यकामा झुल्कीएको घाम साँझ ५ बजेर २२ मिनेटमा अस्ताउने छ ।
मेष राशी: बौद्धिक क्षेत्रमा राम्रो उपलब्धि प्राप्त हुने समय रहेकाले आर्थिक क्रियाकलापमा पनि सफलता मिल्नुका साथै बोलीको भरमा काम सम्पादन हुन सक्छ । अरूलाई सोचविचार नगरी दिएको वचनले अप्ठ्यारोमा पार्न सक्ने सम्भावना रहेकाले सचेत रहनुहोला । नयाँ काममा हात हाल्न केही समय पर्खनु हितकर रहेपनि रोकिएको काममा भने सफलता मिल्नेछ ।
बृष राशि: व्यक्तित्व निखार्दै नयाँ काम गर्ने अवसर प्राप्त हुनुका साथै व्यापारमा मनग्य फाइदा हुनेछ भने आँटेका काम तत्काल सम्पादन हुनेछन् । पछिसम्म लाभ हुने काममा लगानी गर्ने अवसर प्राप्त हुने योग रहनुका साथै विभिन्न सहयोग र उपहार पाइनेछ । आरोग्यता बढ्नुका साथै पारिवारिक समस्याको समाधान मिल्नेछ ।
मीथुन राशि: रोकिएका काम बन्ने र नयाँ काम सुरु गर्ने समय छ । पहिलेका कमजोरी सुधार्दै फाइदा उठाउन सकिने सम्भावना रहेपनि अनावश्यक भ्रमण हुन सक्छ, यसप्रति सचेत रहनु हितकर हुनेछ । स्वास्थ्यगत समस्याले सताउने देखिएपनि सहयोगीहरूले काममा उत्साह जगाउनेछन् । परिवारिक सुख बढ्नुका साथै ऋण रोग र शत्रु सित लड्ने क्षमता बढ्नेछ ।
कर्कट राशि: सहयोगको आशा देखाउनेहरूले धोका दिन सक्ने दिन रहेकाले सचेत रहनुहोस् । ठूलो प्रयत्न गर्दा पनि उपलब्धि उठाउन मुस्किल हुनुका साथै परिवारजनबाट टाढिनुपर्ला । आफ्नै कमजोरीले विवादमा परिने समय रहेकाले व्यावसायिक काममा खर्च बढेपनि प्रतिस्पर्धीलाई पनि पछि पार्न सकिने समय रहेको छ ।
सिंह राशि: विद्यामा कमजोरी र लेनदेनमा विवाद हुनाका साथै विगतका समस्या बल्झिन सक्छन् । सानातिना काम र घरेलु समस्या देखापरेपनी रोकिएका कतिपय काम बन्नाले उत्साह जाग्नेछ । प्रेमभाव बढ्नुका साथै साथीभाइको सहयोगमा रचनात्मक तथा कलात्मक काममा भने सफलता मिल्नेछ ।
कन्या राशि: लाभ हुने काम प्रारम्भ गर्ने समय रहनुका साथै भौतिक साधनसमेत जुट्नेछ । कामको सन्दर्भमा विशिष्ट व्यक्तित्वहरूसँग मित्रता बढ्ने हुनाले कला, साहित्य, मनोरञ्जन आदि क्षेत्रमा रुचि बढ्नेछ । स्वास्थ्य कमजोर भएको अनुभूति हुने सम्भावना रहेकाले खानपानमा विशेष सावधानी अपनाउनु हितकर होला । व्यस्तता बढेपनि यात्रामा सफलता प्राप्त हुनेछ ।
तुला राशी: मनमा डर लागे पनि विभिन्न अवसरले पछ्याएपनी कृषिसम्बन्धी काममा भने केही समस्या देखिने सम्भावना रहेपनि मेहनत गर्दा धन आर्जन हुने समय छ । रमाइलो यात्रा गर्ने अवसर जुट्नाले सुुखदुःखमा साथ दिनेहरू प्रशस्तै भेटिनेछन् । पराक्रम बढ्नुका साथै शुभ काममा आकर्षण बढ्नेछ ।
बृश्चिक राशि: अरूका काममा समय बित्न सक्ने सम्भावना भएपनि आजको दिन दिगो योजना प्रारम्भ हुन सक्ने समय रहेकाले साझेदारीको व्यवसायमा फाइदा हुनेछ । आम्दानी तथा आयआर्जनका स्रोत समेत वृद्धि हुने समय रहेपनि आफन्त तथा नजिकका साथीभाइ टाढिन सक्छन्, सावधान रहनुहोला । आजको दिन यात्राको सम्भावना रहेकाले योजना र बजेट बनाइ कार्य गर्नु बेस होला ।
धनु राशि: अवसरको खोजीमा केही दौडधुप गरेपनि समयमा होस नपुग्नाले काम रोकिन सक्छ । मेहनत खेर जान नदिन विशेष प्रयत्न गर्नुपर्नेछ भने सवारीसाधनको प्रयोगमा विशेष सावधानी अपनाउनु हितकर हुनेछ । तार्किक क्षमता बढ्नुका साथै बौद्धिक र रचनात्मक काम बन्ने योग देखिन्छ ।
मकर राशि: नयाँ कामको प्रस्ताव आउने तथा लक्ष्यप्राप्तीमा सहयोग गर्ने सहयोगीहरू भेटिनेछन् । नसोचेको क्षेत्रबाट धन आर्जन हुने समय रहेकाले व्यवसायमा लाग्नेहरूलाई विशेष फाइदा होला । रुचिका विषयमा लगानी बढाउन उपयुक्त समय रहेपनि इर्ष्या गर्नेहरूले काममा अवरोध गर्न सक्छन्, सावधान रहनुहोला ।
कुम्भ राशि: रोकिएका काम बन्ने र नयाँ काम सुरु गर्ने समय रहेकाले उद्योग र व्यापारमा विशेष फाइदा होला । परिवारजनको साथले काममा उत्साह जगाउनुका साथै प्रेम र मित्रताको बन्धन कसिनेछ भने दाम्पत्य जीवन सुखमय बन्नेछ । परोपकारमा मन जाने समय रहेपनि स्वास्थ्यमा भने केही कमजोरी अनुभव हुन सक्छ । बौद्धिक र रचनात्मक कार्य पनि बन्ने समय देखिन्छ ।
र, मिन राशि: सामान्य अस्वस्थताले काममा ढिलासुस्ती हुन सक्ने समय रहेपनि प्रयत्न गर्दा विभिन्न अवसर प्राप्त हुनुका साथै दैनिकीमा परिवर्तन आउनेछ । सानातिना काममा महत्वपूर्ण समय बित्न सक्ने योग रहनुका साथै अप्रिय समाचार सुन्न सक्ने सम्भावना रहेकाले सचेत रहनु हितकर होला । पुरानो समस्याको समाधान मिल्नेछ ।
