काठमाडौं । ब्लकबस्टर ‘पूर्ण बहादुरको सारङ्गी’ फेम्ड निर्देशक सरोज पौडेलले चलचित्र ‘कोशेढुंगा’ निर्माणको घोषणा गरेका छन् । पौडेलले आफूले निर्देशन गर्ने चलचित्रको थिम पोस्टर सार्वजनिक गर्दै निर्माणको घोषणा गरेका हुन् ।
थिम पोस्टरमा पहाडी परिवेश देखाइएकाे छ । थिम पाेस्टरमा उदाउँदाे घामकाे पृष्ठभूमीमा एक महिलालाई उभ्याइएकाे छ । पोस्टरमा ढुंगामाटोले बनेको घर, अग्लो रुख र पहाड देख्न सकिन्छ ।
थिम पाेष्टरलाई केलाउँदा चलचित्रकाे कथा कठिन पहाडी जीवनसँग सम्बन्धित रहेकाे अनुमान लगाउन सकिन्छ ।
चलचित्र ‘कोशेढुंगा’ २०८२ मा रिलिज हुनेछ ।
चलचित्रमा दिनेश खड्का कार्यकारी निर्माता रहने चलचित्रमा प्रेविल कँडेल र हरि महतको लगानी हुनेछ ।
चलचित्र ‘पूर्ण बहादुरको सारङ्गी’ले ग्रस कलेक्सनमा रेकर्ड ब्रेक गरेकाे छ । जसकाे उच्च सफलताबाट उत्साहित सरोज पौडेलले नयाँ चलचित्र ‘कोशेढुंगा’ गरेकाे देखिन्छ ।
