आज मिती २०८१ साल पुस महिनाको २३ गते मंगलबार तदनुसार जनवरी महीनाको ७ तारीख सन् २०२५, पुष शुक्ल पक्षको अष्टमी तिथी एवं भौमाष्टमी ब्रत तथा गोरखकाली पूजा, आज बिहान ६ बजेर ५५ मिनेटमा काठमाण्डौ उपत्यकामा झुल्कीएको घाम साँझ ५ बजेर २४ मिनेटमा अस्ताउने छ ।
मेष राशी: दीर्घकालसम्म लाभ हुने काममा हात हाल्ने समय भएपनि नयाँ कामको प्रस्ताव आउँदा हिम्मत गर्न नसक्दा केही पछि परिने सम्भावना छ । तार्किक क्षमताले मानसम्मान दिलाउन सक्ने योग रहनाले कर्मबल र दायित्व बढ्नेछ । मित्रजनको सहयोग प्राप्त हुनाले बौद्धिक र रचनात्मक काममा सफलता मिल्नेछ ।
बृष राशि: सोचेको काम सफलता पूर्वक सम्पन्न हुने समय भएपनि आजको दिन नजिकका साथीभाइ टाढिन सक्ने समय रहेको छ। अरूको फाइदाका लागि उपयोग हुने सम्भावना रहेकाले आफ्ना लागि परिस्थिति प्रतिकूल रहने देखिन्छ । प्रतिस्पर्धामा केही कमजोर सावित हुने सम्भावना रहेकाले आफन्तबाट समेत टाढिनुपर्ने समय रहेको छ ।
मीथुन राशि: आजको दिन बाध्यतामा अलमलिनुपर्दा चिताएको काम रोकिने सम्भावना रहेपनि नसोचेको ठाउँबाट धनलाभ हुने देखिन्छ । काम बिग्रने डरले चाहिँ सताइरहन सक्ने हुनाले महत्वाकांक्षी योजना गोप्य राख्नुहोला । आफ्नै कमजोरीले विवादमा परिने योग रहेकाले कसैलाई जथाभावी वचन दिने कार्य नगर्नु हितकर हुनेछ।
कर्कट राशि: आजको दिन रमाइलैसँग बित्नुका साथै परिवारमा आमाको माध्यमबाट काम बन्न सक्छ । तपाईंको कामले अरूको मन लोभ्याउँदै दाम, इनाम र प्रतिष्ठा कमाउने बेला छ । सहयोगीहरूले राम्रो फाइदा दिलाउनुका साथै रमाइलो यात्राको योग रहेको छ । पारिवारिक सुख मिल्नुका साथै आजको दिन मनोरंजनपूर्ण रहनेछ ।
सिंह राशि: पारिवारिक भेटघाटको समय रहेकाले विशेष व्यक्तित्वलाई भेट्ने मौका आउला । ठूलै फाइदाको आश्वासन पनि मिल्न सक्ने हुनाले विशेष योजनाहरू बन्नेछन् । टाढिएका साथीभाइ नजिकिनाले हर्ष बढ्नुका साथै सार्वजनिक कार्यक्रममा आकर्षण बढ्नेछ । कुनै कलात्मक काम रोकिएको छ भने आज प्रयास गर्दा सफलता मिल्ने समय छ ।
कन्या राशि: भाग्यले सोचेभन्दा बढी नै फाइदा दिलाउन सक्ने हुनाले चुनौतीहरू स्वतः हट्नेछन् भने कर्मयोग र आम्दानीले पछ्याउनेछ। राम्रो कर्मफल प्राप्त हुनाले मन प्रसन्न रहनुका साथै सामाजिक क्षेत्रमा नेतृत्व हातलागी हुने योग छ । बलभन्दा बुद्धिको उपयोग गर्न सक्दा फाइदा रहेपनि आम्दानी बिगार्नेहरू सक्रिय रहन सक्छन्, सावधानीपूर्वक काम गर्नुहोला ।
तुला राशी: आजका दिन पारिवारिक जमघटमा मन रमाउनुका साथै तपाईका प्रतिस्पर्धी परास्त होलान् । सहयोगीहरूले राम्रै साथ दिनुका साथै काममा सोचेजस्तै लाभ मिल्ने समय रहेपनि आजको लाभांश सुरक्षित वा सञ्चय नहुन सक्छ, सावधान रहनुहोला । विलासी काममा आकर्षण बढ्नुका साथै आफन्तको साथ प्राप्त हुनेछ ।
बृश्चिक राशि: आजको दिन प्रतिष्ठित काम गर्ने अवसर प्राप्त हुनका साथै दिर्घकालिन काममा लगानीको समय छ । अवसरको खोजीमा केही दौडधुप गरेपनि त्यसले धनलाभ गराउने सम्भावना छ । आजको दिन उत्साह बढेपनि तपाईको असंयम व्यवहारले सम्बन्ध बिगार्न सक्छ, सजग रहनु तपाईको लागि हितकर हुनेछ।
धनु राशि: तपाईको महत्वपूर्ण काममा विशिष्ट व्यक्तित्वको सहयोग प्राप्त हुनका साथै मेहनतले प्रशस्त लाभ उठाउन सकिनेछ । व्यापारमा पनि राम्रै फाइदा होला । सहयोगीहरूबाट अलिक धोका पाइने योग रहेकोले सचेत रहनु हितकर हुनेछ। आज खर्चको मात्रा बढ्ने सम्भावना रहेकाले फजुल खर्चबाट जोगिने प्रयास गर्नुहोला ।
मकर राशि: आजको दिन दिर्घकालिन लाभ हुने काम प्रारम्भ गर्ने समय हुनाले गरिएका कामको मूल्यांकन पनि राम्रै हुनेछ । तर, स्वास्थ्यप्रति चाहिँ आजको दिन विशेष ख्याल राख्नु हितकर हुनेछ । साझेदारीको व्यवसायमा फाइदा हुनाका साथै बौद्धिक र रचनात्मक काममा सफलता मिल्नेछ । परिवारिक सुख बढ्नुका साथै नियमकानूनले साथ दिनेछ ।
कुम्भ राशि: लामो समयदेखि रोकिएका काम बिस्तारै बन्नेछन् भने नयाँ काम समेत पाइने समय छ । विभिन्न अवसरले पछ्याउनुका साथै बोलीको प्रभाव एवं कार्यसम्पादन गर्ने क्षमता बढ्नेछ । अध्ययनमा मन नलागे पनि आत्मविश्वास बढ्नेछ । अनावश्यक विवादमा परिने समय रहेकोले सचेतनाको आवश्यकता छ । बौद्धिक र रचनात्मक कार्य बन्ने समय रहेको छ ।
र, मिन राशि: फाइदाका पछि लाग्दा साथीभाइ टाढिन सक्ने हुनाले होसियारीसाथ काम लिनुपर्ने समय छ । विवेक पुऱ्याउँदा सानो प्रयत्नले पनि राम्रो फाइदा उठाउन सकिने तथा व्यावसायिक काममा मनग्य फाइदा हुनेछ । भूमि, वाहन र पैत्रिक सम्पत्तिबाट लाभ मिल्नुका साथै आफन्तको साथ कमै मिलेपनि अनुकूलता बढ्नेछ ।
