काठमाडाैं । कन्नड सुपरस्टार यशको जन्मदिन ८ जनवरी अर्थात् बुधबार हो । यस अवसरमा केजीएफ स्टारले फ्यानलाई ठूलो सरप्राइज पनि दिएका छन् ।
वास्तवमा उनको आगामी फिल्म ‘टक्सिक’ को फर्स्ट लुक सार्वजनिक भएको छ । यशको जन्मदिनमा ‘टक्सिक’ को पहिलो टिजर सार्वजनिक भएको हाे ।
जहाँ उनी निकै ग्लैमर शैलीमा देखिन्छन्। पहिलो झलक अचम्मको छ र हेरेपछि उनको फिल्म केजीएफसँग तुलना हुन थालेकाे छ ।
केजीएफका सिरिजकाे उच्च सफलता पछि यश प्रसिद्ध भए। उनले सन् २०१८ मा केजीएफ र २०२२ मा केजीएफ २ ल्याए, दुवै फिल्म सुपरहिट साबित भए र उनी विश्वभर चर्चित भए । अब केजीएफपछि उनको पहिलो फिल्म ‘टक्सिक’ आउँदैछ । यस्तो अवस्थामा उनी कति सफल हाेलान्, हेर्न बाँकी नै छ ।
‘टक्सिक’बाट यशको पहिलो लुक्स
फिल्म ‘टक्सिक’को विशेषता यो हो कि यस पटक यश पर्दामा मात्रै नभई निर्माताको रुपमा पनि देखिँदैछन् । उनको धमाकेदार स्टाइल अहिले फर्स्ट लुक टिजरमा देखिएको छ ।
५९ सेकेण्डको टिजर यशको धमाकेदार लुक्सले भरिएको छ । उनको व्यक्तित्व निकै बलियो देखिन्छ ।
‘टक्सिक’ को टिजर विदेशी पार्टीबाट सुरु हुन्छ । जहाँ धेरै ग्लैमर, नृत्य सुन्दरी र पार्टी वातावरण देख्न सकिन्छ। यश सूट बुट लगाएर चुरोट पिउँदै त्यहाँ प्रवेश गर्छन् । टिजर हेरेपछि फ्यानहरुले यशले ‘टक्सिक’ मार्फत केजीएफको रेकर्ड तोड्ने अपेक्षा राखेका छन् ।
यस्ताे छ टिजर
