आज मिती २०८१ साल पुस महिनाको २७ गते शनिबार तदनुसार जनवरी महीनाको ११ तारीख सन् २०२५, पुष शुक्ल पक्षको द्वादशी तिथी एवं पृथ्वी जयन्ती तथा राष्ट्रिय एकता दिवस, आज बिहान ६ बजेर ५५ मिनेटमा काठमाण्डौ उपत्यकामा झुल्कीएको घाम साँझ ५ बजेर २७ मिनेटमा अस्ताउने छ ।
मेष राशी: लगनशीलताले उपलब्धिको स्रोत प्राप्त हुने समय छ। पहिलेका काम पूरा हुनासाथ नयाँ जिम्मेवारी प्राप्त हुनेछ। आयस्रोत बढ्नुका साथै दिगो काम सुरु गर्ने समय छ। हतारमा निर्णय लिँदा केही काम दोहोर्याउनुपर्ने हुन सक्ने देखिएकाले सावधान रहनु तपाईको लागी हितकर हुनेछ ।
बृष राशि: खर्चिलो काममा हात हाल्नाले सम्भावना रहेकाले रकम जुटाउन कर्जा लिनुपर्ने हुनसक्छ । यसअघि रोकिएका काम प्रारम्भ गर्न सकिने तथा योजनाअनुसार समयमै काम सम्पन्न गर्न सकिनेछ। प्रतिस्पर्धीहरू किनारा लाग्नुका साथै तपाईको स्वास्थ्य सबल रहने समय रहेको छ।
मीथुन राशि: प्रयत्न गर्दा व्यापार, साझेदारी र सट्टापट्टामा लाभ मिल्नुका साथै आम्दानी हुने समय रहेको छ। श्रमको उचित मूल्य पाइने तथा रोकिएको काम बन्ने र जिम्मेवारी पनि बढ्ने योग छ। वैदेशिक रोजगारमा जान चाहनेहरूका लागि आजको दिन यात्राको प्रक्रिया अघि बढ्नेछ।
कर्कट राशि: प्राथमिकताका आधारमा काम गर्न नसक्दा पछि परिनेछ । अध्ययनमा समय दिन नसकिएला। अरूका काममा चासो लिँदा झमेला बेहोर्नुपर्ला। तापनि पछि लाभ हुने काम प्रारम्भ हुनेछ। फाइदाको स्रोत पहिल्याउन सकिने भएपनि आफ्ना कमजोरी भरसक सार्वजनिक नगर्नु हितकर हुनेछ।
सिंह राशि: आजको दिन भविष्यका लागि सम्भावना खोजी गर्ने समय रहेको छ। रोकिएका काम सम्पादन हुनेछन् भने भौतिक साधन जुट्नाले आँटेकाे काम गर्न सकिनेछ। मेहनतले नाम, दाम र इनाम दिलाउनुका साथै दिगो काममा जग बसाउने मौका छ।
कन्या राशि: आजको दिन तपाईको स्वास्थ्य कमजाेर रहने सम्भावना रहेकाले आफ्नो विशेष ख्याल राख्नुहोला, अरूको प्रभावमा परेर गोपनीयता भंग हुन सक्ने देखिएकाले आफ्ना कमजोरी भरसक सार्वजनिक नगर्नु उचित हुनेछ । मनमा अध्यात्मभाव जागृत हुनाले परोपकारी काममा सक्रिय हुने योग देखिन्छ।
तुला राशी: रमाईलो भेट भए पनि व्यावहारिक काम सम्पन्न गर्ने समय रहेको छ। प्रियजनका लागि केही समय छुट्याउनुपर्ने हुन सक्छ। प्रयत्न गर्दा रोकिएका काम बन्नुका साथै पेसा–व्यवसायमा आंशिक लाभ हुने भएपनि स्वास्थ्यका लागि आहारविहारमा ध्यान पुर्याउनु आवश्यक देखिन्छ।
बृश्चिक राशि: अनावश्यक काममा रकम खर्च भए पनि आजको दिन निकै उत्साहवर्द्धक रहनेछ। नयाँ काम प्रारम्भ गर्ने तथा चिताएको काममा सोचेजस्तै सफलता मिल्नेछ। लगानी गर्दा व्यवसायमा मनग्गे धनलाभ हुनुका साथै मेहनतले दिगो फाइदा दिलाउन सक्ने समय रहेको छ।
धनु राशि: प्रयत्न गर्दा व्यापार बढ्नुका साथै व्यवसायमा लाभ हुने समय रहेको छ। भौतिक साधन जुट्नाले आम्दानी बढ्ने तथा नँया काम प्रारम्भ हुनेछ। सुखदुःखमा साथ दिनेहरू प्रशस्तै भेटिनेछन्, परिवारजनको साथले नयाँ आशा जगाउनेछ। प्रयत्न गर्दा परिस्थिति अनुकूल बन्ने योग रहेको छ।
मकर राशि: आजको दिन सुरु गरिएका काम सन्तोषजनक नभए पनि फाइदै हुनेछ। प्रयत्न गर्दा प्रतिष्ठित व्यक्तिहरूको साथ–सहयोग पाइनुका साथै दिगो काम प्रारम्भ गर्न सकिनेछ। अध्ययनको लगावले बौद्धिक क्षेत्र पनि फराकिलो बन्नेछ। पढाइमा गुरुजनको मार्गदर्शन उपयोगी हुनेछ।
कुम्भ राशि: तपाईले आँटेको काम गर्न आज बिहानै जुट्नुका साथैअग्रजको सहयोग लिँदा राम्रो नतिजा प्राप्त हुनेछ। तर विशेष योजना सार्वजनिक नगर्नुहोला। बेसुरमा वचन दिने बानीले समस्या निम्त्याउन सक्ने जोखिम रहेकाले हतारमा निर्णय नलिनु तपाईका लागि निकै लाभदायक हुने समय रहेको छ ।
र, मिन राशि: बौद्विक तथा रचनात्मक काममा जुट्ने उपयुक्त समय रहेको छ। प्रयत्न गर्दा रोकिएका काम सम्पादन हुनुका साथै आयस्रोत पनि बढ्नेछ। सहयोगीहरूले काममा साथ दिनेछन्। मेहनतीहरूलाई कार्यसिद्धिको समय हुनुका अलावा कर्मयोगले नाम, दाम र इनाम दिलाउने योग रहेको छ।
