काठमाडौं । नेकपा (एकीकृत समाजवादी)का अध्यक्ष माधवकुमार नेपालले संसद्को सामना गर्ने आँट सरकारसँग नभएको टिप्पणी गरेका छन् । शनिबार ललितपुरमा आयोजित एक कार्यक्रमपछि सञ्चारकर्मीसँग उनले संसद्को सामना गर्ने र छलफल, बहसबाट समस्याको समाधान खोज्ने आँट सरकारसँग नरहेको टिप्पणी गरेका हुन् ।
“यो सरकारको त आँटै छैन संसद्को सामना गर्ने, छलफल, बहसबाट समस्याको समाधान खोज्ने,” उनले भने ।
उनले सरकार एकदलीय शासनउन्मुख भएको समेत आरोप लगाए । हाल एकदलीय शासन र सोचको सुरुआत भएको भन्दै उनले सबैलाई प्रयोग गर्न खोजिएको जिकिर गरे ।
प्रतिक्रिया दिनुहोस्
