आज मिती २०८१ साल पुस महिनाको २८ गते आइतबार तदनुसार जनवरी महीनाको १२ तारीख सन् २०२५, पुष शुक्ल पक्षको चतुर्दशी तिथी, आज बिहान ६ बजेर ५५ मिनेटमा काठमाण्डौ उपत्यकामा झुल्कीएको घाम साँझ ५ बजेर २८ मिनेटमा अस्ताउने छ ।
मेष राशी: अध्ययनमा प्रगति हुनुका साथै तपाईको ज्ञानलाई निखार्ने अवसर प्राप्त हुनेछ। सुखद् समाचारले उत्साह जगाउनुका साथै आम्दानीका स्रोत बढ्ने र दिगो फाइदा हुने काममा सम्झौता गर्ने समय छ। नयाँ काम प्रारम्भ हुने हुनुका साथै बोलीको प्रभावले आर्थिक क्रियाकलापमा समेत फाइदा हुनेयोग रहेको छ।
बृष राशि: आफन्तको साथले उत्साह जगाउनेछ भने दिगो फाइदा हुने काम प्रारम्भ हुनेछ। टाढिएका साथीभाइ नजिकिन सक्छन्। इच्छाशक्ति बढ्नुका साथै कीर्तिमानी कामको जस लिने अवसर प्राप्त हुनेछ। समय फुर्सदिलो देखिए पनि रचनात्मक कार्य शुभारम्भ गर्न सकिने समय रहेको छ।
मीथुन राशि: आकस्मिक खर्च बढ्नुका साथै अर्थ अभाव देखापर्न सक्ने तथा आम्दानीका स्रोत भने कमजोर बन्ने समय रहेको छ । बेलैमा होस नपुग्नाले आएको फाइदा गुम्न सक्छ। काममा हस्तक्षेप गर्नेहरू निकै सक्रिय हुनेछन्। धेरै मेहनत गर्दा पनि थोरैमात्र फल प्राप्त हुने योग रहेको छ।
कर्कट राशि: आम्दानीका विभिन्न स्रोत देखिए पनि लगानीतर्फ लागत बढ्ने समय रहेको छ। कामको राम्रै मूल्यांकन भए पनि प्रतिफल हातपार्न केही समय लाग्नेछ। व्यवसायमा लगानी बढाउनुपर्ने स्थिति आउने सम्भावना रहेपनि प्रयत्न गर्दा सरसापटमा गएको रकम भने फिर्ता लिन सकिने योग रहेको छ।
सिंह राशि: आजका दिन तपाईका लागि प्रतिष्ठित काम गर्ने अवसर प्राप्त हुनेछ। मेहनतले लक्ष्यमा पुर्याउनेछ। नाम, दाम र इनाम कमाउने उपयुक्त समय छ। पदीय जिम्मेवारी प्राप्त हुने तथा समुदायको हितमा लोकप्रिय काम गर्न सकिने समय छ। प्रयत्न गर्दा दिगो कामको जग बसाउन सफल भइने योग रहेको छ।
कन्या राशि: मेहनतले पदीय जिम्मेवारी दिलाउनुका साथै आजका दिन विशेष अवसर प्राप्त हुनाले मन प्रफुल्लित रहनेछ। धेरैले तपाईको कामको तारिफ गर्नेछन्। बौद्धिक अभिव्यक्तिको तारिफ हुनका साथै बोलीको प्रभावले आर्थिक क्रियाकलापमा समेत उल्लेख्य फाइदा हुने समय रहेको छ।
तुला राशी: आजको दिन तपाईको व्यस्तता बढ्ने भएपनि शरीरमा कमजोरी अनुभूति हुनेछ। तपाईले सुरु गरेका काममा अवरोध देखा पर्ने हुँदा होसियारीसाथ काममा जुट्नु लाभदायक रहनेछ। छिद्र खोतल्नेहरूले दु:ख दिनेछन्, विशेष योजना गोप्य राखेर अघि बढ्नु उचित हुनेछ। चुनौतीभित्र अवसर खोज्ने समय रहेको छ।
बृश्चिक राशि: साथीभाइको आगमनले आजको दिन तपाईका लागि निकै नै मनोरञ्जनपूर्ण हुनेछ। रमाइलो यात्रा, जमघट एवं खानपानको आनन्द प्राप्त हुनुका साथै पहिलेको सफलताले थप हौसला जगाउनेछ। नयाँ कामको प्रस्ताव आउनुका साथै सहयोगीहरू प्रशस्तै भेटिने समय रहेको छ ।
धनु राशि: स्वास्थ्य सबल बन्नुका साथै काममा उत्साह जाग्ने समय छ। ईर्ष्या गर्नेहरू स्वयं पछि पर्नेछन् भने कर्मयोगले भविष्यको बाटो समाउनेछ। मेहनतले काममा सफलता दिलाउनुका साथै समस्या पन्छाएर काम सम्पन्न गर्न सकिनेछ। दिगो काम थालनी हुनेछ भने रोग तथा शत्रुमाथि विजय प्राप्त हुने उपयुक्त समय देखिन्छ ।
मकर राशि: नयाँ अवसरका साथै भौतिक साधन जुट्नाले आजको दीन निकै नै उत्साहजनक रहनेछ। दिगो फाइदा हुने काम प्रारम्भ हुनुका साथै अध्ययनमा प्रगति हुने तथा मेहनतले सजिलै लक्ष्यमा पुग्न सकिनेछ। शैक्षिक प्रतिस्पर्धामा अग्रस्थान हासिल हुनेछ। नयाँ योजना शुभारम्भ गर्न आजको दीन निकै नै उपयुक्त देखिन्छ ।
कुम्भ राशि: हडबडीले गर्दा तपाईले थालेको काम बिग्रने तथा सानो गल्तीले काम दोहोर्याउनु पर्ने हुनसक्छ, बेसुरको व्यवहारले समस्या निम्त्याउनेछ। महत्त्वाकांक्षी योजनामा आफ्नैले बाधा पुर्याउलान्। मनमा दुविधा बढ्ने हुँदा हतारमा निर्णय नलिनु लाभदायक रहने छ। हिस्सेदारसँग असमझदारी बढ्नाले पहिलेको सम्झौता भंग हुन सक्ने योग रहेको छ ।
र, मिन राशि: सहयोगीहरूले राम्रो साथ दिनाले तपाईले आँटेका काम सम्पादन हुनेछन्। पुरुषार्थद्वारा प्रतिस्पर्धीहरूलाई पछि पार्न सफल भइनेछ। उद्योग र व्यापारमा विशेष फाइदा उठाउन सकिनेछ। गरिएका कामको छोटो समयमै उचित प्रतिफल पाइने तथा स्रोत-साधन जुट्नाले उद्योग र व्यापारमा लाग्नेहरूलाई विशेष फाइदा हुने समय रहेको छ ।
