आज मिती २०८१ साल माघ महिनाको ३ गते विहीबार तदनुसार जनवरी महीनाको १६ तारीख सन् २०२५, माघ कृष्ण पक्षको तृतीया तिथी, आज बिहान ६ बजेर ५५ मिनेटमा काठमाण्डौ उपत्यकामा झुल्कीएको घाम साँझ ५ बजेर ३१ मिनेटमा अस्ताउने छ ।
मेष राशी: तत्काललाई सानो फाइदा हेर्दा पछि पछुतो लाग्न सक्छ। बेसुरमा आश्वासन दिने बानीले पनि दुःख पाइने हुनाले तत्काल योजना सार्वजनिक नगर्नुहोला। काम बिग्रने डरले सताउनुका साथै साझेदारीमा समस्या आउनाले पहिलेको सम्झौता भंग हुन सक्छ। अरूको व्यवहारले शंका उब्जाए पनि परिवारजनकाे साथ–सहयाेग प्राप्त हुने समय रहेको छ ।
बृष राशि: आजको दिन खर्चको मात्रा बढ्नुका साथै आफ्नै कमजोरीले विवादमा परिने सम्भावना रहेकोले ब्यवहार र बोलीमा लगाम लगाउनु हितकर होला । अरुबाट आलोचना हुने, काममा बाधा आउने, धनमाल हराउने सम्भावना रहेपनि आँटेको काममा भने सफलता मिल्नुका साथै प्रतिभाको उच्च मूल्यांकन हुने समय छ ।
मीथुन राशि: आजको दिन आत्मविश्वास बढ्नेछ भने रोकिएका काम बिस्तारै बन्नेछन् । ब्यस्ताताका बाबजुद जिम्मेवारी भने बढिरहनेछन् । सहयोगको आशा देखाउनेहरूबाटै धोका पाइने सम्भावना रहेकोले विशेष सावधानी अपनाउनु हितकर रहने छ। शत्रुमाथि विजय प्राप्त हुनुका साथै बौद्धिकता र रचनात्मकता बढ्नेछ ।
कर्कट राशि: नयाँ कामको प्रस्ताव आए पनि हिम्मत गर्न नसक्दा केही पछि परिनेछ । व्यावसायिक काममा खर्च बढ्नेछ भने अरूका काममा महत्वपूर्ण समय बित्न सक्छ । तापनि, सेवामूलक कामले प्रतिष्ठा दिलाउनेछ । आम्दानी बढ्ने समय हुनुका साथै साथीभाइको सहयोग प्राप्त हुनेछ ।
सिंह राशि: रोकिएका काम बन्ने र नयाँ काम सुरु गर्ने समय छ । उद्योग र व्यापारमा विशेष फाइदा हुनुका साथै प्रतिस्पर्धीलाई सजिलै हराउन सकिनेछ । नयाँ प्रेम गर्ने अवसर आउनुका साथै प्रेम विवाहमा परिणत हुने योग छ । स्वास्थ्यका लागि खानपानमा ध्यान दिनु हितकर हुनेछ । उत्साहवर्द्धक समाचार सुन्न पाइएला ।
कन्या राशि: आज तपाईको भाग्योदयको समय छ । आयवर्द्धक काममा आकर्षण बढ्ला । गरिएका कर्मको उचित प्रतिफल पाइने तथा धन आर्जन गर्ने मौका मिल्ला । कामको सन्दर्भमा विशिष्ट व्यक्तित्वहरूसँग मित्रता बढ्नेछ । कला, साहित्य, मनोरञ्जन आदि क्षेत्रमा रुचि बढ्नुका साथै स्थायी सम्पत्ति बढाउन सकिनेछ ।
तुला राशी: धैर्यसाथ निरन्तरको प्रयत्नले सुरु गरेको काममा फाइदा हुनेछ । बुद्धिको उपयोगले धेरैलाई आफ्नो पक्षमा लिन सकिने छ । पारिवारिक जमघटमा मन रमाउला । व्यापार-व्यवसायमा लाग्नेहरूलाई विशेष फाइदा हुनेछ । रुचिका विषयमा लगानी बढाउने उपयुक्त समय छ ।
बृश्चिक राशि: प्रतिस्पर्धामा केही कमजोर सावित भइएला । समयको गतिलाई पछ्याउन प्रयत्न गर्नुहोला । उच्च महत्वाकांक्षाले केही नोक्सानी निम्त्याउन सक्छ, सचेत रहनु हितकर होला । परिवार तथा साथीभाइको सहयोग प्राप्त होला । साथै धनलाभको योग रहेको छ । परिवारिक सुख बढ्ने योग रहेको छ ।
धनु राशि: लगनशीलताले राम्रै उपलब्धि दिलाउनेछ । समय लागे पनि कामसम्पादन हुनेछन् । परिवारजनको सहयोग लिँदा राम्रो हुनेछ । आयआर्जनका स्रोत बढ्नेछन् भने व्यापारमा पनि बढी नै फाइदा हुने समय छ । नसोचेको ठाउबाट धन प्राप्त भइ मन प्रसन्न हुने योग छ ।
मकर राशि: लाभ हुने काम प्रारम्भ गर्ने समय छ । कामको सन्दर्भमा शक्तिशाली व्यक्तिहरूसँग प्रतिस्पर्धा हुन सक्छ । विवेकले काम लिने प्रयत्न गर्नुहोला । लामो यात्रा सम्भावना छ भने साझेदारीको व्यवसायमा राम्रै फाइदा हुनेछ ।
कुम्भ राशि: आजको दिन तपाईको आलस्यले गर्दा आएको अवसर गुम्न सक्छ । स्वास्थ्यका लागि खानपानमा सजग रहनुहोला । आर्थिक कारोवार अति आवश्यक अवस्थाबाहेक नगर्नु नै उचित हुनेछ । नोकरीमा पदोन्नति र स्थानान्तरण हुने सम्भावना रहेको छ ।
र, मिन राशि: शुभता र प्रेमभाव बढ्नेछ । सभासमारोहमा सम्मानित हुनुहोला । बिनाप्रतिस्पर्धा फाइदा हुने समय भएपनि अरूको भरपर्दा काम रोकिन सक्छ । हिम्मत गर्न नसक्दा योजना कार्यान्वयन नहुन सक्छ । तत्काललाई ठूलो फाइदा नउठे पनि भविष्यका लागि विशेष काममा जग बसाउने अवसर प्राप्त हुनेछ ।
