आज मिती २०८१ साल माघ महिनाको ४ गते शुक्रबार तदनुसार जनवरी महीनाको १७ तारीख सन् २०२५, माघ कृष्ण पक्षको चतुर्थी तिथी, आज बिहान ६ बजेर ५५ मिनेटमा काठमाण्डौ उपत्यकामा झुल्कीएको घाम साँझ ५ बजेर ३२ मिनेटमा अस्ताउने छ ।
मेष राशी: रोकिएका काम बन्ने र नयाँ काम सुरु गर्ने समय छ । परिश्रम गर्दा अरुको विश्वास पनि जित्न सकिने छ भने आजको दिन तपाईको आर्थिक पक्ष सन्तोषजनक रहला । मेहनतले नयाँ जिम्मेवारी दिलाउनेछ । परोपकारमा मन जानुका साथै प्रेममा सफलता मिल्ने योग रहेको छ ।
बृष राशि: साहसी कार्यमा सफलता प्राप्त हुनेछ भने विभिन्न अवसरले पछ्याउनुका साथै बोलीको प्रभाव पनि बढ्ने समय छ । रमाइलो तरिकाले कामहरु गर्न पाइनेछ । बोलीको प्रभाव बढ्नुका साथै मानसम्मान समेत पाइने तथा धनलाभ हुनुका साथै बौद्धिकता र रचनात्मकता बढ्ने समय रहेको छ ।
मीथुन राशि: आजको दिन तपाईका लागि अलिक चुनौतीयुक्त छ । कामको बोझले थाकेको महसुस होला । गलत विचार बढ्ने र समयमा निर्णय नहुँदा काममा अवरोध आउने, खर्च बढ्ने, झमेलामा परिने र छिमेकीसँग विवाद बढ्ने सम्भावना छ रहेकाले विशेष सावधानी अपनाउनु हितकर हुनेछ ।
कर्कट राशि: व्यापारमा सफलताले मन रमाउने समय छ । व्यस्तता बढ्नुका साथै धन कमाउने अवसर मिल्ला । मनमा दुविधा रहे पनि सामाजिक काममा नाम रहने छ । धार्मिक सामाजिक कामको दायित्व थपिन सक्छ । आँटेको काम पुरा भइ धनको लाभ हुन सक्ने तथा मान–सम्मान मिले पनि मनमा डर रहने छ ।
सिंह राशि: पराक्रम वृद्धि र आरोग्यबल बढ्ने सामय रहेको छ । आजको दिन सुखमय ढंगले बित्ने देखिन्छ । सिर्जनशील कार्यमा प्रगति हुनुका साथै गुरुजनको सहयोग र बुद्धिको उपयोगले लक्ष्य पहिल्याउन सकिनेछ । ठूला व्यक्तिको आशा र भरोसा पनि तपाईंप्रति रहनेछ । कृषि क्षेत्रबाट राम्रो लाभ मिल्ने योग छ ।
कन्या राशि: आजको दिन तपाईले सोच्दै नसोचेको स्थानबाट धन लाभ हुने समय छ । उद्योग र व्यापारमा विशेष फाइदा होला । नयाँ मित्रको आगमनले मन प्रशन्न तुल्याउला । सहयोगी र सेवक वर्गबाट सहायता मिल्नेछ । समय मनोरञ्जनपूर्ण रहने योग रहेको छ ।
तुला राशी: आजको दिन केही चुनौतीयुक्त छ, खासगरी खर्च गर्दा सजगता अपनाउनुहोला । स्वास्थ्यका लागि खानपानमा पनि सचेत रहनु हितकर हुनेछ । कठोर परिश्रमले लक्ष्य पुरा गर्न सकिनेछ । नोकरी र राजनीतिमा केही अप्ठ्यारा परिस्थितको सामना गर्नुपर्ने योग रहेको छ ।
बृश्चिक राशि: काममा सहयोगीहरूले राम्रो साथ दिनुका साथै नयाँ काम मिल्ने योग छ । सहासिक र कठिन काममा सक्रियता बढ्नेछ भने पुराना साथिसंगीसंग भेटघाटको अवसर जुर्ला । रमाइलो तरिकाले कामहरु गर्न पाइनेछ । समयले तपाईको भाग्यलाई साथ दिनेछ ।
धनु राशि: आँटेगरेका काम पुरा सम्पन्न हुनुका साथै धनको लाभ हुन सक्छ । महत्वाकांक्षी योजना गोप्य राखेर अघि बढ्दा फाइदा होला । विभिन्न भौतिक साधन जुटुनुका साथै व्यावसायमा राम्रो फाइदा उठाउन सकिनेछ । आयआर्जनमा राम्रो दिन छ । केहि नयाँ काम गर्नको लागि मित्रजन एवम् परिवारजनको राम्रो सल्लाह आउने देखिन्छ ।
मकर राशि: कर्मबल बढ्ने सामय रहेपनि आजको दिन अप्ठ्यारा परिस्थितिसँग सम्झौता गर्नुपर्दा मन खिन्न रहन सक्छ । ब्यापारमा गरेका प्रयासहरु सकारात्मक रहनेछन् । यात्रा पनि रमाइलो हुनुका साथै स्वास्थ्य सबल रहला । घरेलु समस्याले भने सामान्यरूपले सताउन सक्छ ।
कुम्भ राशि: अरूको भर पर्दा काममा धोका हुन हुन सक्ने तथा आजको दिन स्वास्थ्य पनि बिग्रन सक्छ, सचेत रहनुहोला । समय त्यति राम्रो छैन, गलत विचार बढने छ, समयमा सहि निर्णय गर्न नसक्दा जोखिम बढ्नेछ । एकतिर सुखसुविधा र विलासितातर्फ मन जाने र अर्कोतिर मानसिक तनावले नकारात्मक सोच पैदा गर्न सक्छ । धैर्य राखेर कदम चाल्नु हितकर हुनेछ ।
र, मिन राशि: आजको दिन तपाईको दौडधुप बढ्नेछ भने बन्न लागेको काम बिग्रन सक्छ । घरेलु समस्याले सताउने हुँदा काममा अवरोध आउन सक्छ । दुर्गमस्थान र टाढाको यात्रा सम्भावना उच्च देखिन्छ । शङ्कालु बानी र विश्वासको कमीले आपसी समन्वय कमजोर बन्ने हुनाले सकेसम्म एकअर्काप्रति समर्पित हुनु बुद्धिमानी हुनेछ ।
