आज मिती २०८१ साल माघ महिनाको ५ गते शनिबार तदनुसार जनवरी महीनाको १८ तारीख सन् २०२५, माघ कृष्ण पक्षको पंचमी तिथी, आज बिहान ६ बजेर ५५ मिनेटमा काठमाण्डौ उपत्यकामा झुल्कीएको घाम साँझ ५ बजेर ३३ मिनेटमा अस्ताउने छ ।
मेष राशी: आजको दिन आरोग्यता र दाम्पत्य सुख बढ्ने समय छ । धर्मको पालना, मंगलमय कर्म सम्पादन र सामाजिक दायित्व वहनमा समय ब्यतीत होला । खराब व्यक्तित्वको विश्वासमा पर्नाले काममा धोका पाइने योग रहेकाले सचेत रहनुहोला । आजको दिनमा सवारी तथा हातहतियारको उपयोगमा विशेष सावधानीका साथ गर्नु हितकर हुनेछ ।
बृष राशि: धेरै परिश्रमबाट थोरैमात्र लाभ मिल्ने समय छ । परिवारजन, बन्धुबान्धव वा इष्टमित्रसँग असमझदारी बढ्न सक्छ । घर-जग्गामा विवाद देखिन सक्छ, विशेष सतर्क रहनु हितकर होला । आर्थिक अभावले सताउने समय रहेपनि आफन्तसंग भेटघाटको अवसर मिल्नुका साथै बौद्धिक पक्षमा लाभ मिल्ने योग रहेको छ ।
मीथुन राशि: आज समाजसेवा र परोपकारका कार्य गरिनेछ । । व्यवसायमा आफू अनुकूल परिवर्तन होला । व्यवसायमा सामान्य प्रगति हुनुका साथै कामको सन्दर्भमा शक्तिशाली व्यक्तिहरूसँग प्रतिस्पर्धा बढ्नेछ । आवेगले गर्दा हातमा आएका अवसर गुम्न सम्भावना रहेपनि समस्याको समाधान प्राप्त हुनेछ ।
कर्कट राशि: तपाईको व्यस्तता निकै बढ्नुका साथै आजको दिन नसोचेको ठाउबाट आर्थिक लाभहुने सामय रहेको छ । नया उद्योग–धन्दाको थालनी गर्न आजको दिन निकै नै शुभ रहनुका साथै बौद्धिक वा शैक्षिक क्रियाकलापमा प्रगति र सफलता मिल्नेछ भने विद्यार्थीहरूको लागि विशेष प्रगति हुने दिन रहेको छ ।
सिंह राशि: सहयोगीजनको राम्रो साथ पाइने दिन रहेपनि पारिवारिक असमझदारी र बन्धुबान्धबसंग मनमुटाव हुन सक्छ । त्यसबाट खासै हानी नोक्सानी भने हुने देखिन्न । घरमा सामान्य मनमुटाव होला । शिक्षा र साझेदारीमा फाइदा हुनेछ । महत्वपूर्ण वस्तु गुम्ने सम्भावना रहेकोले सचेत रहनुहोला ।
कन्या राशि: तपाईले आँटेको काम अवरुद्ध हुने तथा स्वास्थ्य सम्बन्धी समस्याले केही बढी खर्च हुने दिन रहेको छ । अनावश्यक खर्च र ऋणभार बढ्ने व्यवहारबाट पर रहनुहोला । राजनीतिक तथा सामाजिक प्रभाव कमजोर बन्न सक्ने योग रहेकोले आजको दिन सार्वजनिक क्रियाकलापमा सरिक नभएकै राम्रो हुनेछ ।
तुला राशी: आजको दिन फलदायी यात्रा हुन सक्छ तपाईले गरिरहेको काममा उत्साह जाग्नेछ । जागिरमा पदोन्नति हुनुका साथै व्यापार–व्यवसायमा फाइदा हुनेछ । दाम्पत्य सम्बन्ध पनि सुमधुर रहला । मेहनत गर्दा राम्रै उपलब्धि हातलागी हुनेछ भने आजको दिन नयाँ व्यवसाय प्रारम्भ गर्न सकिनेछ ।
बृश्चिक राशि: आफ़ान्त तथा मित्रजनबाट फाइदा र सुख मिल्ने समय छ । रोकिएका काम सुरु हुनेछन् । धार्मिक तथा सामाजिक क्रियाकलापमा रुचि बढ्नुका साथै परिवारजनको सहयोगले विशेष कामहरू बन्नेछन् । खर्च नियन्त्रणको लागि आज विशेष योजना र बजेट बनाइ कार्य गर्नु बेस होला ।
धनु राशि: आजको दिन मानहानी वा अपजशको सम्भावना रहेको दिन हुनाले संयमतापूर्ण व्यवहार गर्नु हितकर हुनेछ । नसोचेको क्षेत्रबाट धनधान्य लाभ हुनुका साथै कृषिकर्म तथा पशु व्यवसायबाट फाइदा हुने योग छ । स्थायी सम्पत्ति आर्जन गर्ने समय भएपनि साझेदारीमा विवाद पर्न सक्छ ।
मकर राशि: लगानीको प्रतिफलमा कमी र साझेदारी सम्बन्धमा समस्या आउने समय छ । व्यवसाय र कृषिकर्ममा परिश्रम तथा लगानीभन्दा न्यून उपलब्धि हासिल होला । सरोकार नभएका विषयमा रुचि राख्नाले दुःख पाइने सम्भावना रहेकाले ध्यान राखेर व्यवहार गर्नुहोला । चुनौतीका बाबजुद दायित्व पूरा गर्न सफल हुने योग रहेको छ ।
कुम्भ राशि: तपाईको सामर्थ्य वृद्धि हुने सामय रहेपनि बोलीको गलत अर्थ लाग्ने, विवादमा परिने र आर्थिक अभावले सताउने योग रहेकोले विशेष संयमताको खाँचो पर्ला । अनावश्यक खर्च बढ्न सक्छ, सावधान रहनुहोला । शुभचिन्तकहरूले साथ दिनाले चुनौतीहरू पन्छाएर परिस्थिति अनुकूल बनाउन सकिनेछ ।
र, मिन राशि: आजको दिन तपाईको दौडधुप निकै बढेपनि आर्थिक उपार्जनमा सुधार आउने समय छ । प्रयत्न गर्दा नयाँ जागिर प्राप्त हुने योग छ । जागिरमा हुनेहरूका लागि प्रशंसा या पदोन्नतिको समय छ र, केही अप्ठ्यारा परिस्थितिसँग सम्झौता गर्नुपरे पनि लगनशीलताले लक्ष्यमा पुऱ्याउनेछ । स्थायी सम्पत्तिमा केही विवाद आउन सक्ने देखिएकाले सचेत रहनु हितकर हुनेछ ।
