काठमाडौं । राष्ट्रिय स्वतन्त्र पार्टी (रास्वपा) का केन्द्रीय सदस्य तथा संसदीय दलका प्रमुख सचेतक सन्तोष परियारले २०८४ सालको निर्वाचनमा पार्टीले कम्तीमा १५० सिट जित्ने दाबी गरेका छन्।
शनिबार चाँगुनारायण नगर समिति वडा नं ५ को प्रथम ऐतिहासिक वडा अधिवेशनको उद्घाटन समारोहमा प्रमुख अतिथिको रूपमा उपस्थित परियारले रास्वपालाई जनताले आशा र भरोसा राखेको पार्टीको रूपमा चित्रण गरे। साथै, उनले समावेशी र समतामूलक समाज निर्माणमा रास्वपाले महत्त्वपूर्ण भूमिका निर्वाह गर्नुपर्नेमा जोड दिए।
परियारले मुलुकमा समावेशिताको अभावका कारण नै प्रगतिशील समाज निर्माणमा अवरोध भइरहेको बताउँदै रास्वपाको विचार र सिद्धान्त जनताले स्वीकारेमा अन्य कुनै पनि दल ठूलो पार्टी बन्न नसक्ने दाबी गरे।
प्रतिक्रिया दिनुहोस्
